మహేశ్ కూతురి మరో క్యూట్ వీడియో
సూపర్‌స్టార్ మహేశ్ బాబు కూతురు సితార ఘట్టమనేని నెటిజన్లను ఎప్పటికప్పుడు సర్‌ప్రైజ్ చేస్తూనే ఉంటుంది. తండ్రి సినిమాల్లోని పాటలు పాడుతూ, ఆ పాటలకు స్టె్ప్పులు వేసే బుల్లి సితార.. ఈ క్రమంలో నెటిజన్ల ఫేవరెట్ కిడ్ అయిపోయింది. ఫ్రెండ్ ఆద్యతో కలిసి ‘ఏ అండ్ ఎస్’ పేరుతో యూట్యూబ్ చానల్ కూడా స్టార్ట్ చేసిన సీతు పాప.. ప్రేక్షకులకు ఎంటర్‌టైన్మెంట్ అందించడంలో సక్సెస్ అయింది. అయితే లాక్ డౌన్ పీరియడ్‌లో సితార తండ్రితో ఆడుకోవడం, తనకు మసాజ్ చేయడం మాత్రమే చూశాం కానీ.. తల్లి గురించి ప్రత్యేకంగా స్పెషల్ వర్క్ చేయడం ఎప్పుడూ చూడలేదు.
మమ్మీయే(నమ్రతా శిరోద్కర్) తన బెస్ట్ ఫ్రెండ్ అని చెప్పే సితార.. తనతో చాలా విషయాలు చర్చిస్తానని చెప్తుంటుంది. కాగా ఇప్పుడు తన కోసం ఇంటి పని చేస్తూ ఓ వీడియో షేర్ చేసిందీ స్టార్ కిడ్. ఇందులో ఇళ్లు ఊడుస్తున్న సితార.. ‘ఇళ్లు శుభ్రం చేయడం చాలా ఫన్‌గా ఉందని.. అమ్మకు సహాయం చేసేందుకు గొప్ప సమయం దొరికిందని’ చెప్పింది. అంతేకాదు నెక్స్ట్ వీక్ మరో పని నేర్చుకుంటానని అంటోంది.
