దిశ ఎఫెక్ట్.. కాంట్రాక్టర్‌కు షోకాజ్ నోటీసులు జారీ

దిశ, గోదావరిఖని : గోదావరిఖని ప్రభుత్వ ఆసుపత్రిలో గర్భిణీలకు అందించే ఆహారంలో జెర్రీ పురుగు వచ్చింది. ఈ క్రమంలో అధికారుల నిర్లక్ష్యాన్ని గుర్తు చేస్తూ.. మంగళవారం ‘దిశ’ దినపత్రికలో ‘పేషెంట్ల ఆహారంలో జెర్రీ’ అనే కథనం ప్రచురితం అయింది.

ఈ కథనానికి స్పందించిన గోదావరిఖని ప్రభుత్వ ఆసుపత్రి సూపరింటెండెంట్ కంది శ్రీనివాస్ రెడ్డి.. సదురు ఫుడ్ కాంట్రాక్టర్ నిర్వాహకుడికి షోకాజ్ నోటీసులు జారీ చేసినట్లు తెలిపారు. ఈ ఘటనపై ఉన్నతాధికారులకు సమాచారం అందించి వారి దృష్టికి తీసుకువెళ్తున్నట్టు తెలిపారు.