భయానక రోడ్డు ప్రమాదం.. ఐదుగురు మహిళలు స్పాట్ డెడ్

దిశ, వెబ్‌డెస్క్ : అనంతపురం జిల్లాలో ఘోర రోడ్డు ప్రమాదం చోటు చేసుకుంది. గుర్తు తెలియని వాహనం ఢీకొన్న ప్రమాదంలో ఐదుగురు మృతి చెందిన ఘటన జిల్లాలోని పామిడి 44వ జాతీయ రహదారిపై శుక్రవారం చోటు చేసుకుంది. గుర్తు తెలియని వాహనం ఆటోను ఢీ కొనడంతో అక్కడికక్కడే ఐదుగురు మృతి చెందగా, మరో ముగ్గురి పరిస్థితి విషమంగా ఉండడంతో, క్షతగాత్రులను దగ్గరిలోని జిల్లా ఆసుపత్రికి తరలించారు. మృతులు శంకరమ్మ, నాగవేణి, చౌడమ్మ, సావిత్రి, సుబ్బమ్మగా పోలీసులు గుర్తించారు. అయితే గార్లదిన్నె మండలం కొప్పలకొండ వాసులు ఆటోల కూలి పనికి వెళ్తున్న క్రమంలో ఈ ప్రమాదం చోటు చేసుకుంది. ఈ ఘటనపై పోలీసులు కేసు నమోదు చేసుకొని దర్యాప్తు చేపట్టారు.