ఏపీ పొలిటిషియన్‌ కావాలంటే అవి వచ్చి ఉండాలి.. వర్మ సంచలన కామెంట్స్

దిశ, సినిమా: ఏపీలో అధికార పార్టీ వైసీపీ, టీడీపీ మధ్య యుద్ధ వాతావరణం నెలకొన్నది. చిలికి చిలికి గాలివానలా మారిన డ్రగ్స్ వ్యవహారం ఒకరిపై ఒకరు దాడులు చేసుకొని, తలకాయలు పగులకొట్టుకొనే స్థాయికి చేరింది. ఇక కాంట్రవర్సీ ఎక్కడ ఉంటే అక్కడ ప్రత్యక్షమయ్యే రామ్ గోపాల్ వర్మ… ఈ ఘటనపై కూడా సెటైర్ వేశాడు. ఇకపై ఏపీ రాజకీయ నాయకులు త్వరలో బాక్సింగ్, కరాటే, స్టిక్ ఫైటింగ్ మొదలైన వాటిలో శిక్షణ పొందాల్సి ఉంటుందని ట్వీట్ చేశాడు. దీనిపై స్పందించిన నెటిజన్లు ఏపీ రాజకీయ నాయకుల కొట్లాటపై ఓ సినిమా తీయొచ్చు కదా అని ఆర్జీవీకి సూచిస్తున్నారు. లేదంటే వీళ్లకు నీ సినిమాలో స్టంట్ మాస్టర్స్‌గా అవకాశం ఇప్పించొచ్చు కదా అని కామెంట్ చేస్తున్నారు.