ఊర్మిళను ‘సాఫ్ట్ పోర్న్ స్టార్’ అంటే బాధపడ్డా : ఆర్జీవీ

దిశ, సినిమా : రంగీలా ఫేమ్, బాలీవుడ్ సీనియర్ హీరోయిన్ ఊర్మిళ మటోండ్కర్‌ను బీటౌన్‌లో ఫైర్ బ్రాండ్ కంగనా రనౌత్ ‘సాఫ్ట్ పోర్న్ స్టార్’ అని పిలవడం పట్ల చాలా బాధపడినట్లు తెలిపాడు ఆర్జీవీ. గతేడాది బాలీవుడ్‌ డ్రగ్స్ కేసు విషయంలో కంగనా మాటలను ఊర్మిళ తప్పుబట్టగా.. తనకు నటనే రాదని, తనొక సాఫ్ట్ పోర్న్ స్టార్ అంటూ ఊర్మిళపై నోరు పారేసుకుంది కంగన. కాగా ఆర్జీవీని ఓ బాలీవుడ్ చానెల్‌కు ఇచ్చిన ఇంటర్వ్యూలో అప్పటి సంఘటనపై ప్రశ్నించగా..

‘సోషల్ మీడియాలో ఎవరైనా తమ అభిప్రాయాలు వ్యకం చేస్తున్నప్పుడు ఒక్కోసారి వాళ్లు వాడే భాష అభ్యంతరకరంగా ఉంటుంది, కానీ అది ఫ్రీడమ్ ఆఫ్ స్పీచ్‌కు సంబంధించిన విషయం. నిజానికి ఒకరిని కించపరిచే ఉద్దేశం లేకపోతే మీకు ఆ ఫ్రీడమ్‌ అవసరం లేదు. ఇక ఊర్మిళ నటన గురించి కంగన చేసిన కామెంట్స్ అన్నీ తప్పని నా పర్సనల్ ఫీలింగ్. అయితే కంగన ‘పాయింట్ ఆఫ్ వ్యూ’ నుంచి చేసిన కామెంట్స్‌ను నేను పట్టించుుకోను. కానీ, ఒక డైరెక్టర్‌గా ఊర్మిళ మల్టీ టాలెంటెడ్ యాక్టర్ అని మాత్రం చెప్పగలను’ అన్నారు.