కోహ్లీపై RCB కోచ్ ప్రశంసలు

దిశ, స్పోర్ట్స్ : ఐపీఎల్‌లో మరోసారి నిరాశపర్చినందుకు ఆర్సీబీ కెప్టెన్ విరాట్ కోహ్లీపై పలు విమర్శలు ఎదురవుతున్న సంగతి తెలిసిందే. ఏకంగా బీసీసీఐ అధ్యక్షుడు గంగూలీనే కోహ్లీ కెప్టెన్సీపై అనుమానాలు వ్యక్తం చేశాడు. కాగా, ఆర్సీబీ కోచ్ సైమన్ కటిచ్ మాత్రం అతడిపై ప్రశంసలు జల్లు కురిపించాడు. కెప్టెన్ కోహ్లీ వంటి ప్రొఫెషనల్‌తో పని చేయడం తన అదృష్టమని చెప్పాడు. విరాట్ కోహ్లీ కేవలం మైదానంలోనే కాకుండా బయట కూడా అందరితో కలివిడిగా ఉంటాడని కటిచ్ పేర్కొన్నాడు. మ్యాచ్‌లో ఎలాంటి పరిస్థితులు ఎదురైనా కెప్టెన్ తన ఆటతీరుతో మిగతా 10 మందికి స్పూర్తి కలిగిస్తాడని చెప్పాడు. జట్టులో జూనియర్లకు సీనియర్లను మెంటార్లుగా నియమించడం వల్ల మంచి ఫలితం వచ్చిందని సైమన్ చెప్పాడు.