ఎమ్మెల్యే రమేశ్‌బాబును కలిసిన రాజన్న ఆలయ కాంట్రాక్టర్లు
దిశ, వెబ్‌డెస్క్: వేములవాడ శ్రీరాజరాజేశ్వర స్వామి వారి ఆలయంలో వివిధ రకాల టెండర్ నిర్వాహకులు ఈ రోజు స్థానిక ఎమ్మెల్యే చెన్నమనేని రమేశ్‌బాబును కలిశారు. కరోనా కల్లోలంతో యావత్తు ప్రపంచం అతాలకుతలమైంది. ఇప్పటికీ పూర్తిగా కరోనా విజృంభన నుండి రాష్ట్రం కోలుకోలేదు. కరోనా కారణంగా రాష్ట్రంలోని అన్ని ఆలయాల్లో దర్శనాలు నిలిపివేశారు. ఈ నేపథ్యంలో వేములవాడ శ్రీరాజరాజేశ్వర స్వామి ఆలయం కూడా మూసివేయడంతో తీవ్ర నష్ట వాటిల్లిందని టెండర్ నిర్వాహకులు ఆవేదన వ్యక్తం చేస్తున్నారు.
ఈ సందర్భంగా ఎమ్మెల్యే రమేశ్‌బాబును కలిసిన టెండురు నిర్వాహకులు.. నష్టపోయిన కాలాన్ని భర్తీ చేయాలని, కొత్తగా టెండర్లు పిలుచుటకు ఇచ్చిన పత్రికా ప్రకటన ను తాత్కాలికముగా రద్దు చేసి తగు న్యాయం చేయాలని వినతిపత్రం అందజేశారు. ఈ కార్య్రకమంలో కాంట్రాక్టర్లు వంగ భిక్షపతి, వంగ మనీష్, పులి రవికుమార్, పులి మల్లేశం, దేవసాని పాపయ్య, ధర్మయ్య, బాలరాజు లతో పాటు తదితరలు ఉన్నారు.
