రైల్వే బడ్జెట్‌లో తెలుగు రాష్ట్రాలకు అధిక ప్రాధాన్యత : గజానన్ మాల్యా
దిశ, కంటోన్మెంట్ : తెలుగు రాష్ట్రాలకు రైల్వే బడ్జెట్‌లో అత్యధిక నిధులను కేటాయించినట్లు దక్షిణ మధ్య రైల్వే జనరల్ మేనేజర్ గజనానా మాల్యా తెలిపారు. సికింద్రాబాద్ రైల్‌ నిలయంలో వర్చువల్గా జరిగిన విలేకరుల సమావేశంలో దక్షిణ మధ్య రైల్వేకి కేటాయించిన బడ్జెట్ వివరాలను ఆయన వెల్లడించారు.
కేటాయింపుల వివరాలు..
* మౌలిక సదుపాయాల కల్పనకు దక్షిణ మధ్య రైల్వేకు గతేడాది రూ. 7,024 కోట్లు కేటాయించగా ఇప్పుడు రూ.7,222 కోట్లు కేటాయించారు. డబ్లింగ్‌, మూడో లైన్, బైపాస్‌ లైన్ల పనులకు రూ.4,238 కోట్లు
* కొత్త రైల్వే లైన్లకు, క్యాపిటల్‌, డిపాజిట్‌, అదనపు బడ్జెట్ వనరులతో సహా మొత్తం కేటాయింపు రూ.2,195 కోట్లు
* విద్యుదీకరణ పనుల కోసం రూ.617 కోట్లు
భద్రత కోసం కేటాయింపు :
* రోడ్‌ భద్రత పనుల కోసం రూ.672 కోట్లు (లెవల్‌ క్రాసింగ్స్‌, బ్రిడ్జిలు, ఆర్‌ఓబీ/ఆర్‌యూబీ)
* స్వర్ణ చతుర్భుజి/స్వర్ణ వికర్ణ మార్గాల్లో రోడ్‌ ఓవర్‌/అండర్‌ బ్రిడ్జి నిర్మాణం కోసం రూ.374 కోట్లు
ముఖ్యమైన ప్రాజెక్టుల కోసం..
* మనోహరాబాద్‌ – కొత్తపల్లి కొత్త రైల్వే లైన్ ప్రాజెక్టుకు రూ.325 కోట్లు.
* భద్రాచలం-సత్తుపల్లి కొత్త రైల్వే లైన్ ప్రాజెక్టు కోసం రూ.267 కోట్లు.
* కోటిపల్లి-నర్సాపూర్‌ కొత్త రైల్వే లైన్ ప్రాజెక్టు కోసం రూ.187 కోట్లు.
* మునీరాబాద్‌-మహబూబ్‌నగర్‌ కొత్త రైల్వే లైన్ ప్రాజెక్టు కోసం రూ.149 కోట్లు.
* అక్కన్నపేట-మెదక్‌ మధ్య కొత్త రైల్వే లైన్ ప్రాజెక్టుకు రూ.83.6 కోట్లు.
* కాజీపేట- బల్లార్హా 3వ లైన్ ప్రాజెక్టు కోసం రూ.475 కోట్లు.
* విజయవాడ -కాజీపేట -రేణిగుంట – వాడి – గుత్తి, మోటుమర్రి (ఏపీ, తెలంగాణ, మహారాష్ట్ర) వద్ద బైపాస్‌ లైన్లకు రూ.426 కోట్లు.
* కాజీపేట-విజయవాడ 3వ లైన్ ప్రాజెక్టుకు రూ.333 కోట్లు.
* సికింద్రాబాద్-మహబూబ్‌నగర్‌ డబ్లింగ్‌ ప్రాజెక్టు కోసం రూ.100 కోట్లు.
విద్యుదీకరణ కోసం..
* మన్మాడ్‌-ముద్కేడ్‌-డోన్‌ సెక్షన్ల మధ్య విద్యుదీకరణకు రూ.175 కోట్లు.
* లింగపేట జగిత్యాల-నిజామాబాద్‌ విద్యుదీకరణ కోసం రూ.20 కోట్లు.
* పర్లి వైజ్యనాథ్‌-వికారాబాద్‌ సెక్షన్‌లో విద్యుదీకరణ కోసం రూ.90 కోట్లు.
ఇతర ప్రాజెక్టులకు కేటాయింపులు..
* చెర్లపల్లి స్టేషన్‌ వద్ద శాటిలైట్‌ టెర్మినల్‌ అభివృద్ధి కోసం రూ.50 కోట్లు.
* కాజీపేట వద్ద పీఓహెచ్‌ వర్కషాప్‌ కోసం రూ.2 కోట్లు.
* కర్నూలు వద్ద మిడ్‌లైఫ్‌ రిహబ్లిటేషన్ ఫ్యాక్టరీ కోసం రూ.32.54 కోట్లు.
రాష్ట్రాల వారీగా కేటాయింపు :
* తెలంగాణలో పూర్తిగా/పాక్షికంగా మౌలిక సదుపాయాల కోసం ప్రాజెక్టు, భద్రత పనులు చేపట్టడానికి 2021-22లో బడ్జెట్ లో రూ.2,420 కోట్లు కేటాయించారు. 2014'-20 (రూ.1110 కోట్లు/సంవత్సరానికి) కంటే సగటున 118% అధికం
* ఆంధ్రప్రదేశ్‌లో పూర్తిగా/పాక్షికంగా మౌలిక సదుపాయాల కోసం ప్రాజెక్టు, భద్రత పనుల చేపట్టడానికి 2021-22లో బడ్జెట్ లో రూ.5,812 కోట్లు కేటాయించారు. 2014-20 (రూ.2830 కోట్లు/సంవత్సరానికి) కంటే సగటున 105% అధికం..
