మాధవన్ ‘షో స్పాయిలర్’.. నెటిజన్ల కామెంట్స్

దిశ, వెబ్‌డెస్క్: ఆర్. మాధవన్, శ్రద్ధా శ్రీనాథ్ హీరోహీరోయిన్లుగా తెరకెక్కిన తమిళ చిత్రం ‘మార’. దుల్కర్ సల్మాన్ మాలీవుడ్ సూపర్ హిట్ ‘చార్లి’ మూవీకి రీమేక్‌గా అమెజాన్ ప్రైమ్‌లో రిలీజైన సినిమా అమేజింగ్ రివ్యూస్‌తో పాజిటివ్ రెస్పాన్స్ అందుకుంది. కానీ కొందరు మాత్రం సినిమా చాలా డిజప్పాయింట్ చేసిందని, మాధవన్ పర్ఫార్మెన్స్ పేలవంగా ఉందని విమర్శిస్తున్నారు.

ఈ క్రమంలోనే ఓ నెటిజన్.. ‘చార్లి చూసిన ప్రేక్షకులకు ‘మార’ యావరేజ్‌గా కూడా అనిపంచలేదు, 30 నిమిషాల తర్వాత సినిమా చూడడం చాలా కష్టం. సీరియస్‌లీ మ్యాడీ షో స్పాయిలర్.. విచారకరమైన, నిరుత్సాహ పాత్రతో బోర్ కొట్టించాడు’ అని ట్వీట్ చేశారు. అయితే తన నటనా ప్రతిభను విమర్శించిన నెటిజన్‌ ట్వీట్‌పై చాలా మర్యాదపూర్వకంగా స్పందించారు మాధవన్. ‘ఊప్స్.. డిజప్పాయింట్ చేసినందుకు సారీ బ్రదర్. నెక్స్ట్ టైమ్ బెటర్‌గా చేసేందుకు ట్రై చేస్తా’ అని రిప్లై ఇచ్చాడు. మ్యాడీ ఇచ్చిన సమాధానం నెటిజన్స్ హార్ట్ గెలుచుకోగా.. ఇలాంటి నెగెటివ్ కామెంట్స్‌కు సమాధానం ఇవ్వొద్దని సూచిస్తున్నారు ఫ్యాన్స్.

https://twitter.com/ActorMadhavan/status/1348817729424220161?s=20