పవర్ స్టార్‌తో పూరి 'జనగణమన'?
దిశ, వెబ్‌డెస్క్: డైనమిక్ డైరెక్టర్ పూరీ జగన్నాథ్ జనగణమన ప్రాజెక్ట్‌పై ఫిల్మ్ నగర్‌లో మరో న్యూస్ హల్ చల్ చేస్తుంది. పూర్తిగా దేశభక్తి ఎలిమెంట్స్‌తో కూడిన స్టోరిని సూపర్ స్టార్ మహేశ్ బాబుతో తెరకెక్కించాలనుకున్నా.. వర్కౌట్ కాలేదు. దీంతో ఈ డ్రీమ్ ప్రాజెక్ట్‌ను తన ఫస్ట్ సినిమా హీరో పవర్ స్టార్ పవన్ కళ్యాణ్‌తో కలిసి చేయాలని నిర్ణయించుకున్నారని తెలుస్తుంది.
ప్రస్తుతం రాజకీయాల్లో ఉన్న పవన్ ఈ సినిమా చేస్తే మరింత ఇంటెన్సివ్‌గా ఉంటుందని భావిస్తున్న పూరి..ఎలాగైనా పవన్‌ను ఒప్పించాలని ట్రై చేస్తున్నారట. అయితే వకీల్ సాబ్‌తోపాటు మరో మూడు సినిమాలు లైన్‌లో పెట్టిన పవన్..పూరి ప్రాజెక్ట్‌ను ఓకే చేస్తారా? ఒకవేళ చేసినా ఎప్పుడు సెట్స్ మీదకు వెళ్తుంది.? అనే చర్చ సాగుతుంది. పవన్ కనుక గ్రీన్ సిగ్నల్ ఇస్తే పూరి 2022 వరకు వెయిట్ చేయాల్సిందే అంటున్నారు సినీ విశ్లేషకులు.
