చాన్స్ కొట్టేసిన టాక్సీవాలా హీరోయిన్

దిశ, వెబ్‌డెస్క్: ప్రియాంక జవాల్కర్… ‘టాక్సీవాలా’ సినిమాతో కుర్రకారు మతిపోగొట్టింది. కలలోనూ మాటే వినదుగా సాంగ్ పాడుకునేలా చేసింది. ఈ ఎఫెక్ట్‌తో జవాల్కర్ ఓ రేంజ్‌కు దూసుకెళ్తుందనుకున్నారు అంతా. కానీ.. రేంజ్ మాట అటుంచితే కనీసం కొత్తగా ఒక్క చాన్స్ కూడా దక్కించుకోలేక పోయింది. 2018లో ‘టాక్సీవాలా’ రిలీజ్ కాగా.. అభిమానులను సంపాదించుకున్నా.. సినిమా అవకాశం మాత్రం ఒడిసి పట్టుకోలేక పోయింది. కానీ ఏ మాత్రం పట్టువదలకుండా గట్టిగా ప్రయత్నించింది. ఫోటో షూట్‌లతో సోషల్ మీడియాలో అటెన్షన్ క్యాచ్ చేసి… ఎట్టకేలకు హీరోయిన్‌గా మరో సినిమా చేయబోతోంది.

‘రాజాగారు రాణివారు’ ఫేం కిరణ్ అబ్బవరం హీరోగా నటిస్తున్న ‘ఎస్ఆర్ కళ్యాణమంటపం ఈస్ట్ 1975’లో కథానాయికగా మరోసారి తెరపై మెస్మరైజ్ చేయబోతోంది. ఎలైట్ ఎంటర్టైన్మెంట్ బ్యానర్‌పై తెరకెక్కుతున్న సినిమాకు కొత్త డైరెక్టర్ శ్రీధర్ దర్శకత్వం వహించబోతున్నారు. సాయికుమార్, తులసి ప్రధాన పాత్రల్లో కనిపించనున్న చిత్రం రాయలసీమ నేపథ్యంలో సాగనుంది. కళ్యాణ మండపం చుట్టూ తిరిగే కథ ప్రేక్షకులకు మంచి థ్రిల్ అందించనుందట.

Tags: Priyanka Jawalkar, Kiran Abbavaram, New Movie