బాలల హక్కుల సంఘం అచ్యుతరావు కన్నుమూత

దిశ, వెబ్‌డెస్క్: బాలల హక్కుల సంఘం వ్యవస్థాపక అధ్యక్షుడు పి. అచ్యుతరావు కన్నుమూశారు. కరోనా వైరస్ లక్షణాలతో వారంరోజుల క్రితం హైదరాబాద్లోని ఓ ఆస్పత్రిలో చేరిన ఆయన చికిత్స పొందుతూ బుధవారం మధ్యాహ్నం తుదిశ్వాస విడిచారు. బాలల తరపున ఎన్నో పోరాటాలు చేసిన అచ్యుతరావు ఎంతోమంది బాల కార్మికులకు విముక్తి కల్పించారు. కరోనా నుంచి కోలుకొని ఆయన సోదరుడు ఇవాళ ఉదయమే డిశ్చార్జ్ కాగా.. కొద్దిగంటల వ్యవధిలోనే అచ్యుతరావు మరణించడంతో కుటుంబ సభ్యులు కన్నీరుమున్నీరవుతున్నారు. అచ్యుతరావు మృతిపట్ల పలువురు రాజకీయ నేతలు సంతాపం తెలిపారు.