BIGG BOSS : అతడే విన్నర్ కావాలి.. ప్రభాస్ పెద్దమ్మ ఇంట్రెస్టింగ్ వీడియో
దిశ, వెబ్‌డెస్క్ : బిగ్ బాస్5 సీజన్ చివరి దశకు చేరుకుంది. దీంతో తమ తమ అభిమాన కంటెస్టెట్స్‌ని గెలిపించుకోవాలని ఫ్యాన్స్ ఓటింగ్ మొదలు పెట్టారు. ప్లీజ్ ఓటు ఫర్ సన్నీ,లేదా మానస్, శ్రీరామ్ చంద్ర, షణ్ముక్, సిరి అంటూ ప్రచారం చేస్తున్నారు. ఇక ఎంతో ఆసక్తికరంగా సాగుతోన్న ఈ సీజన్‌లో తమ అభిమానిని గెలిపించుకోవాలని ఇటు సినీ ప్రముఖులు కూడా రంగంలోకి దిగారు.
తాజాగా ప్రభాస్ పెద్దమ్మ, రెబల్ స్టార్ కృష్ణం రాజు సతీమణి శ్యామలాదేవి శ్రీ రామచంద్ర కి మద్దతు తెలిపారు. నాకు, కృష్ణంరాజు గారికి పాటలంటే చాలా ఇష్టం. భక్తి పాటలంటే ఇంకా ఇష్టం.. నువ్వు పాడిన భక్తి పాటలు ఎక్కువగా వింటాం అని తెలిపింది. అంతే కాకుండా నువ్వు ఇండియన్ ఐడెల్ లో విన్నర్ గా నిలిచి తెలుగు వారందరికీ గర్వకారణంగా నిలిచావు. ఇప్పుడు బిగ్బాస్ లోనూ విజయం సాధించాలని మా కుటుంబం తరపున మనస్పూర్తిగా కోరుకుంటున్నాను. నీకు అందరూ ఓటు వేసి గెలిపించాలని కోరుతున్నాను, నువ్వు విజయం సాధిస్తావు, టైటిల్‌తో వస్తావు అని నేను మనస్పూర్తిగా కోరుకుంటున్నాను.. ఆల్ ది బెస్ట్ శ్రీరామ్ అని తెలిపింది. ఇక ఇదిలా ఉండగా శ్రీరామ్‌కి సపోర్టు‌గా బిగ్ బాస్ ఎక్స్ కంటెస్టెంట్ రవి కూడా వినూత్నంగా ఆటో నడుపుతూ ప్లీస్ ఓటు ఫర్ శ్రీరామ్ చంద్ర అని ప్రచారం చేసిన విషయం తెలిసిందే. అలాగే శ్రీరామచంద్ర గెలవాలని.. తనకు ఓటు వేసి గెలిపించాలని ఇప్పటికే శంకర్ మహదేవన్, ఆర్టీసీ ఎండీ సజ్జనార్, రియల్ హీరో సోనూసూద్, పాయల్ రాజ్ పుత్ వంటి వారు కోరారు.
బిగ్ బాస్ హౌజ్‌లో సన్నీ, శ్రీరామ్, షణ్ముక్,మానస్, సిరి ఫైనలిస్ట్‌లుగా ఉన్నారు. వీరు తమదైన స్టైల్లో ఆడుతూ ఆడియన్స్ మనసు దోచుకొని ఫైనలిస్ట్‌లుగా నిలిచారు. ఇంత మంది మద్దతు లభిస్తున్న చివరికి టైటిల్ ఎవరిని వరిస్తుందో చెప్పలే. కానీ సోషల్ మీడియాలో మాత్రం సన్నీ, షణ్ముక్ మధ్య నువ్వా.. నేనా అన్నట్టు సాగుతోన్నట్టు తెలుస్తోంది. విజేత ఎవరో తెలుసుకోవడానికి రెండు రోజులు వెయిట్ చేయాల్సిందే.
