ట్రెండీగా పొలిటికల్ యాడ్.. ఆశ్చర్యపరుస్తున్న ‘జనసేనా’ పార్టీ వీడియో

దిశ, ఫీచర్స్: నిత్యం ఎన్నో యాడ్స్ చూస్తుంటాము. వస్తువుల గురించి, బైక్స్, కార్లు ఇలా ఎన్నో యాడ్స్ వస్తుంటాయి. కానీ పొలికల్ యాడ్ ఎప్పుడైన చూశారా. పాలిటిక్స్‌కు సంబంధించినంతవరకు కొన్ని యాడ్స్ ఉంటాయి. అంటే పొలిటికల్ క్యాంపెయినింగ్ లాంటివి. వీటిలో మా పార్టీ గెలిస్తే మీకు అది చేస్తాం.. ఇది చేస్తాం అంటూ హామీలు ఇస్తుంటారు. ఇంకొన్ని.. మాకు ఈ ప్రభుత్వం అలా చేసింది, ఇలా చూసింది. మేము ఈసారి ఆ ప్రభుత్వానికే ఓటు వేస్తాం అంటూ ప్రజలు చెప్పడం. ఇప్పటి వరకు ఇలాంటి యాడ్స్ చూసుంటారు. కానీ ప్రస్తుంత సరికొత్త ట్రెండీ యాడ్ ఒకటి నెట్టింట చకర్లు కొడుతోంది. అదేంటంటే..

ఈ యాడ్‌లో జనసేనా పార్టీ అధినేత పవన్ కల్యాణ్ ఒక రూమ్‌లోకి వచ్చి ఫ్యాన్ స్విచ్ వేస్తాడు. దీంతో అక్కడ టేబుల్‌పై ఉన్న పేపర్స్ అన్ని చెల్లాచెదురుగా ఎగిరిపోయి కిందపడిపోతాయి. వెంటనే ఫ్యాన్ ఆపేసిన పవన్ కల్యాణ్.. ఒక్కో పేపర్‌‌ను ఏరుతుంటారు. ఆ పేపర్స్‌పై ఆంధ్రప్రదేశ్ రాష్ట్ర అభివృద్ధి, ఇసుక పాలసీ, లా అండ్ ఆర్డర్, వ్యవసాయం, నిరుద్యోగం అని రాసి ఉంటాయి. వాటన్నిటి తీసి పవన్ కల్యాణ్ టేబుల్‌పై పెట్టి అవి ఎగరకుండా వాటిపై ‘గాజు గ్లాస్’ పెడతాడు. దాని పక్కనే ‘సైకిల్’ సింబల్ కూడా ఉంటుంది. ప్రస్తుతం దీనికి సంబంధించిన యాడ్ సోషల్ మీడియాలో వైరల్‌గా మారడంతో.. దీనిపై రకరకాల కామెంట్స్ వస్తున్నాయి.