ఖానాపురంలో తుపాకుల కలకలం

దిశ, వరంగల్: వరంగల్ రూరల్ జిల్లా ఖానాపురం మండలం కీర్య తండాలో తుపాకులు కలకలం సృష్టించాయి. కీర్య తండా గుట్టల్లో నాటు తుపాకులు ఉన్నాయనే సమాచారం మేరకు పోలీసులు తనిఖీలు నిర్వహించి మూడు తుపాకులను స్వాధీనం చేసుకున్నట్లు సమాచారం. అయితే.. ఆ తుపాకులు ఎక్కడివి.. ఎవరి నుంచి పోలీసులు స్వాధీనం చేసుకున్నారనే విషయాలు ఇంకా తెలియాల్సి ఉంది. ఈ వివరాలను పోలీసులు గోప్యంగా ఉంచి విచారణ చేస్తున్నట్లు తెలుస్తోంది.