#PSPKRana మేకింగ్ వీడియో.. సంక్రాంతి బరిలో భీమ్లా నాయక్
దిశ, వెబ్‌డెస్క్: పవర్ స్టార్ పవన్ కళ్యాణ్- రానా దగ్గుపాటి మల్టీ స్టారర్ గా సాగర్ చంద్ర దర్శకత్వంలో ‘అయ్యప్పన్ కోషియమ్’ చిత్రాన్ని రీమేక్ చేస్తున్న విషయం తెలిసిందే. 40 శాతం షూటింగ్ పూర్తి చేసుకున్న ఈ చిత్రం కరోనా కారణంగా వాయిదా పడింది. ఇక ఇటీవల ఈ సినిమా షూటింగ్ ని మొదలు పెట్టిన చిత్ర బృందం పవన్ కళ్యాణ్ లుక్ ని, పాత్ర పేరును రివీల్ చేసి అభిమానులలో జోష్ పెంచారు. ఇక తాజాగా ఈ సినిమాకు సంబంధించిన మేకింగ్ వీడియోను విడుదల చేశారు.
ఈ చిత్రంలో పవన్ పవర్ ఫుల్ పోలీస్ భీమ్లా నాయక్ గా కనిపించనున్నారు. ఇక వీడియో లో పవన్- రానా లుక్ ని రివీల్ చేశారు. ఈ చిత్రానికి దర్శకుడు త్రివిక్రమ్ దర్శకత్వ పర్యవేక్షణ చేస్తున్న విషయం తెలిసిందే. వీడియోలో సైతం ఆయన డైరెక్టర్ సాగర్ కు సూచనలు ఇస్తూ కనిపించారు. ప్రత్యేకంగా వేసిన పోలీస్ స్టేషన్ సెట్ లో ఈ సినిమా షూటింగ్ జరుగుతున్నట్లు తెలుస్తోంది. ఇక ఆర్మీ ఆఫీసర్ లుక్ లో రానా కనిపించాడు. ఇక చివర్లో పోలీస్ గెటప్ లో పవన్ నడుచుకుంటూ వచ్చే షూట్.. దానికి తమన్ అందించిన మ్యూజిక్ అల్టీమేట్ అనే చెప్పాలి. ఈ మేకింగ్ వీడియోతోనే సినిమాపై హైప్ పెంచేశారు మేకర్స్. పవన్ స్వాగ్, స్టైల్ కి ఫ్యాన్స్ థియేటర్ లో రచ్చ చేయడం ఖాయమంటున్నారు. ఇక చివర్లో భీమ్లా నాయక్ సంక్రాంతి కి వస్తున్నాడంటూ తెలిపారు. కాగా ఈ చిత్రంలో పవన్ సరసన నిత్యామీనన్.. రానా కు జోడీగా ఐశ్వర్య రాజేష్ నటిస్తున్నారు. ప్రస్తుతం ఈ మేకింగ్ వీడియో నెట్టింట వైరల్ గా మారింది.
