టీఆర్ఎస్ కు జోష్ పెంచుతున్న కొత్త మండల కమిటీలు..
దిశ,మణుగూరు : పినపాక నియోజకవర్గంలో మండలాల వ్యాప్తంగా టీఆర్ఎస్ మండల కమిటీ ఎన్నికలు ఆదివారం జోరుగా జరిగాయి. మండలంలోని ఎమ్మెల్యే రేగా కాంతారావు క్యాంపు కార్యాలయంలో రాష్ట్ర ప్రభుత్వవిప్, రేగా కాంతారావు ఆదేశాల మేరకు మణుగూరు మండల జెడ్పిటీసీ పొశం నరసింహారావు అధ్యక్షతన రేగా క్యాంపు కార్యాలయంలో విలేకరుల సమావేశాన్ని ఏర్పాటు చేశారు. ఈ కార్యక్రమంలో ముఖ్యఅతిధులుగా టీఆర్ఎస్ పార్టీ రాష్ట్రకార్యదర్శి తెల్లం వెంకట్రావు, గ్రంథాలయసంస్థ జిల్లా చైర్మన్ దిండిగాల రాజేందర్, ఉమ్మడి ఖమ్మం జిల్లా డిసిసిబి డైరెక్టర్ తుళ్లూరి బ్రహ్మయ్య పాల్గొని మండల కమిటీ నాయకులను అధికారికంగా ప్రకటించారు.
ఈసందర్భంగా ముఖ్యఅతిధులు మాట్లాడుతూ.. టీఆర్ఎస్ పార్టీ ప్రజలకోసమే పని చేస్తుందని, ప్రజలకోసమే కేసీఆర్ అనేకసంక్షేమ పథకాలు ప్రవేశపెట్టారని వ్యాఖ్యానించారు. రానున్న రోజుల్లో ప్రజలకు అనేక సంక్షేమ పథకాలు వస్తాయని ఈసందర్భంగా తెలిపారు. నూతన కమిటీ నాయకులు టీఆర్ఎస్ పార్టీ కోసం, ప్రజల కోసం నిరంతరం కృషి చేయాలని సూచించారు. అనంతరం మండల కమిటీ నాయకులను రాష్ట్రకార్యదర్శి తెల్లం వెంకట్రావు అధికారికంగా ప్రకటించి అభినందనలు తెలిపారు.
