Viral Video: ఓ బాలిక వింత నిర్వాకం.. సూసైడ్ కోసం వెళ్లి పట్టాలపైనే నిద్ర
దిశ, డైనమిక్ బ్యూరో: సూసైడ్ చేసుకుందామని వెళ్లిన బాలిక, ట్రైన్ లేట్ గా రావడంతో మర్చిపోయి పట్టాలపై పడుకుంది. ఈ వింత నిర్వాకం బీహార్ లో జరిగింది. దీనికి సంబంధించిన వీడియో నెట్టింట చక్కర్లు కొడుతోంది. మోతిహారీలోని చాకియా రైల్వే స్టేషన్‌ సమీపంలో ఓ బాలిక ఆత్మహత్య చేసుకునేందుకు వెళ్లింది. ట్రైన్ లేట్ గా రావడంతో వచ్చిన పని మర్చిపోయి, రైలు పట్టాలపైనే ఆదమరిచి నిద్రపోయింది. పట్టాలపై పడుకున్న యువతిని చూసిన లోకోపైలట్ అప్రమత్తమయ్యాడు. రైలు సడన్ బ్రేక్ వేసి బాలిక ప్రాణాలను రక్షించాడు. అనంతరం ట్రైన్ దిగి వచ్చి చూసి, బాలికను లేపాడు. దీంతో నిద్ర నుంచి లేచిన బాలిక చుట్టు ఉన్న వారిని చూసి ముఖంపై ముసుగు వేసుకుంది. బాలికను ఆరా తీయగా.. ఆత్మహత్య చేసుకునేందుకు వచ్చానని, మర్చిపోయి నిద్రపోయానని చెప్పింది. అనంతరం స్థానికులు బాలికను గద్దించి ఆమె ఇంటికి తీసుకెళ్లారు. ఈ ఘటనను ఓ వ్యక్తి వీడియో తీసి సోషల్ మీడియాలో పోస్ట్ చేయడంతో వైరల్ గా మారింది. దీనిపై నెటిజన్లు ఫన్నీ కామెంట్లు పెడుతున్నారు.
