Nizamabad : పట్టాలు దాటుతుండగా.. రైలు ఢీకొని వ్యక్తి మృతి
దిశ ప్రతినిధి, నిజామాబాద్ : నిజామాబాద్ జిల్లా నవీపేట్ రైల్వే స్టేషన్ దగ్గరలో కెఎం నెం.446/5 వద్ద గుర్తు తెలియని వ్యక్తి (59) గురువారం సాయంత్రం గూడ్స్ రైలు ఢీకొని మృతి చెందారు. నిజామాబాద్ స్టేషన్ మేనేజర్ నవీన్ కుమార్ ఇచ్చిన సమాచారం ప్రకారం సంఘటనా స్థలానికి వెళ్లి పరిశీలించగా గూడ్స్ రైలు వస్తున్న సమయంలోనే ఆ వ్యక్తి నిర్లక్ష్యంగా రైలు పట్టాలు దాటుతూ మృత్యువాత పడినట్లు తెలిపారు. ప్రమాదంలో మృతుడి శరీరం నుజ్జు నుజ్జయిందన్నారు. కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు. మృతదేహాన్ని నిజామాబాద్ ప్రభుత్వ ఆసుపత్రి మార్చురీకి తరలించినట్లు తెలిపారు. సంఘటన స్థలంలో మృతుడికి సంబంధిన ఎలాంటి గుర్తింపు ఆధారాలు సంఘటన స్థలంలో లభించలేదన్నారు. ఈ వ్యక్తిని ఎవరైనా గుర్తు పడితే వెంటనే 8712658591 కు కాల్ చేసి సమాచారం అందించాలని ఎస్ఐ సాయి రెడ్డి కోరారు.
