మామిడిపల్లిలో గంజాయి పట్టివేత..
దిశ ఆర్మూర్ : ఆర్మూర్ మున్సిపల్ పట్టణ కేంద్ర పరిధిలోని మామిడిపల్లి ఏరియాలో గంజాయి పట్టివేత కలకలం రేపింది. ప్రోహిబిషన్ అండ్ ఎక్సైజ్ ఇన్స్పెక్టర్ కేస్ స్టీవెన్సన్ ఆధ్వర్యంలో గురువారం వాహనాల తనిఖీ నిర్వహిస్తుండగా..గంజాయి రవాణా చేస్తున్న మహమ్మద్ వాయిద్ ను పట్టుకొని అరెస్టు చేశారు. గురువారం ఆర్మూర్ ఎక్సైజ్ కార్యాలయంలో ఈ కేసుకు సంబంధించిన వివరాలను ఎక్సైజ్ ఎస్ హెచ్ ఓ స్టీవెన్సన్ వెల్లడించారు. పెర్కిట్ కు చెందిన మహమ్మద్ వాయిద్ ను పట్టుకొని అరెస్టు చేసి 1 కిలో 100 గ్రాముల ఎండు గంజాయిని పట్టుకున్నామన్నారు. ఆ సమయంలో అతని వద్ద ఉన్న పల్సర్ బైక్ వాహనాన్ని, మొబైల్ సెల్ ఫోన్ను స్వాధీనం చేసుకున్నట్లు తెలిపారు. వాహిద్ పై కేసు నమోదు చేసి రిమాండ్ కు తరలించినట్లు ఎక్సైజ్ ఎస్హెచ్ఓ వివరించారు. రూట్ వాచ్ లో పాల్గొన్న వారిలో ఎక్సైజ్ అధికారులు బి. చంద్రమౌళి, సందీప్, శ్రీనివాస్, సాగర్, నరేష్, దేవిదాస్, సాయిబాబా, మోహన్, ధర్మేందర్, గంగాధర్ తదితరులు ఉన్నారు.
