PM Modi: భారత ప్రధాని మోడీకి మరో అరుదైన గౌరవం

దిశ, వెబ్ డెస్క్: భారత ప్రధాని నరేంద్రమోడీ(PM Modi)కి మరో అరుదైన గౌరవం దక్కింది. విదేశీ పర్యటనలో ఉన్న ఆయనకు కామన్ వెల్త్ ఆఫ్ డొమినికా(Commonwealth Of Dominica).. ఆ దేశ అత్యున్నత పురస్కారం అయిన "డొమినికా అవార్డ్ ఆఫ్ హనర్"(Dominica Award of Honour) తో సత్కరించింది. ఈ అవార్డును డొమికనా దేశ అధ్యక్షురాలు సిల్వనీ బర్టన్(Sylvanie Burton) అందజేశారు. దీనికి సంబంధించిన సమాచారాన్ని మోడీ తన ట్విట్టర్ ఖాతాలో పంచుకున్నారు.

ఈ సందర్భంగా మోడీ.. తనకు 'డొమినికా అవార్డ్ ఆఫ్ హానర్' ప్రదానం చేసినందుకు డొమినికా అధ్యక్షురాలు(President Of Dominica) సిల్వానీ బర్టన్‌కు కృతజ్ఞతలు తెలియజేశారు. ఈ గౌరవం భారతదేశంలోని నా సోదర సోదరీమణులకు(Brothers And Sisters In India) అంకితం(Dedicate) చేస్తున్నాని చెప్పారు. అంతేగాక ఇది మన దేశాల మధ్య విడదీయరాని బంధాన్ని కూడా సూచిస్తుందని మోడీ పేర్కొన్నారు. అనంతరం ఆ దేశ ప్రధాని(Prime Minister) రూజ్‌వెల్ట్ స్కెరిట్(Roosevelt Skerrit) భేటీ అయ్యారు. కృతజ్ఞతతో డొమినికా అవార్డ్ ఆఫ్ ఆనర్ ని స్వీకరిస్తున్నానని చెబుతూ.. రాబోయే కాలంలో డొమినికాతో కలిసి పని చేస్తామని మోడీ స్పష్టం చేశారు.