మీ అకౌంట్లో డబ్బులు పడ్డాయి చూసుకొండి..

దిశ, డైనమిక్ బ్యూరో: రైతులకు పెట్టుబడి సాయం కోసం కేంద్ర ప్రభుత్వం అందిస్తున్న పీఎం కిసాన్ సమ్మాన్ నిధి డబ్బులు లబ్దిదారులైన రైతుల ఖాతాల్లో జమ అయ్యాయి. 15వ విడత పీఎం కిసాన్ నిధులు రూ.18 వేల కోట్లను ప్రధాని నరేంద్ర మోడీ బుధవారం విడుదల చేశారు. జార్ఖండ్ లో జరిగిన 'జన జాతీయ గౌరవ్ దివస్' కార్యక్రమంలో దాదాపు 8 కోట్ల మంది అర్హులైన రైతుల బ్యాంకు ఖాతాల్లో రూ. 2 వేల చొప్పున జమ చేశారు. కాగా రైతులకు కేంద్ర ప్రభుత్వం పెట్టుబడి సాయంగా ప్రతి ఏటా నాలుగు నెలలకోసారి రూ.2 వేల చొప్పున 3 విడతల్లో మొత్తం రూ.6 వేల ఆర్థిక సాయం అందజేస్తోంది. ఎవరైతే ఈ-కేవైసీ పూర్తి చేస్తారో అలాంటి లబ్ధిదారుల ఖాతాల్లోనే నిధులు జమ అవుతాయని ప్రభుత్వం ఇదివరకే స్పష్టం చేసింది.