కర్ణాటక ఎన్నికల బరిలో ఎన్సీపీ!

బెంగళూరు: కర్ణాటక అసెంబ్లీ ఎన్నికల్లో కాంగ్రెస్‌కు శరద్ పవార్ ఎన్సీపీ షాక్ ఇచ్చింది. ఇటీవలె జాతీయ హోదాను కోల్పోయిన ఎన్సీపీ కన్నడ ఎన్నికల్లో బరిలోకి దిగనున్నట్లు ప్రకటించింది. ఈ మేరకు వచ్చే నెలలో జరగనున్న ఎన్నికల్లో పోటీ చేయనున్నట్లు ఎన్సీపీ నేత ప్రఫుల్ పటేల్ తెలిపారు. త్రిముఖ పార్టీల మధ్య పోటీ నెలకొన్న కర్ణాటకలో 40-45 స్థానాల్లో బరిలోకి దిగే యోచనలో ఉన్నట్లు పార్టీ వర్గాలు తెలిపాయి. కాగా, కర్ణాటక ఎన్నికల్లో పోటీ చేసేందుకు ఎన్సీపీకి అలారం క్లాక్ గుర్తును కేటాయించారు. మరోవైపు మహారాష్ట్ర-కర్ణాటక సరిహద్దుల్లో ప్రాబల్యం ఉన్న మహారాష్ట్ర ఏకీకరణ సమితితో పొత్తు కలిసేందుకు ప్రయత్నాలు చేస్తోంది. తాజాగా శరద్ పవార్ కాంగ్రెస్ నేతలతో సమావేశమైన మరుసటి రోజే ఈ నిర్ణయాన్ని ప్రకటించడం సంచలనంగా మారింది.