ఎన్నికల అఫిడ్‌విట్‌లో బయటపడ్డ మైసూరు మహారాజు ఆస్తుల వివరాలు.. సొంతిల్లు, కారు లేవట!
దిశ, వెబ్‌డెస్క్: సార్వత్రిక ఎన్నికల్లో పలు రాష్ట్రాల నుంచి రాజకుంటుంబాలకు చెందిన వారసులు బరిలోకి దిగుతున్నారు. ఇటీవల మైసూరు వారసుడు యదువీర్ కృష్ణవీర్ కృష్ణదత్త చామరాజ వడియార్ మొదటిసారి ఎన్నికల్లో పోటీకి సిద్ధమయ్యాడు. మైసూరు-కొడగు లోక్ సభ నియోజకవర్గం నుంచి బీజేపీ వడియార్‌కు టికెట్ ఇచ్చింది. దీంతో ఆయన సోమవారం నామినేషన్ దాఖలు చేశాడు. ఎన్నికల అఫడ్‌విట్‌లో వడియార్ తనకు మొత్తం రూ. 4. 99 కోట్ల ఆస్తులు ఉన్నాయని.. కానీ సొంత ఇల్లు భూమి లేదని, కారు కూడా లేదని పేర్కొన్నాడు. అంతేకాకుండా భార్య త్రిషిక కుమారీ పేరు మీద రూ. 1. 4 కోట్లు, పిల్లల పేరుపై 3. 64 కోట్ల ఆస్తున్నాయని వెల్లడించారు. అలాగే వారి ముగ్గురి పేరు పూ ఎటువంటి స్థిరాస్తులు లేవని అఫిడ్‌విట్‌లో సమర్పించాడు. తన పేరు మీదున్న ఆస్తుల్లో 3. 39 కోట్ల విలువైన బంగారం, వెండి నగల రూపంలో ఉన్నాయని ఆయన పేర్కొన్నారు.
