ఎంత దిగజారావో తెలుస్తోంది : రేవంత్

దిశ, వెబ్‌డెస్క్: మంత్రి తలసాని శ్రీనివాస్ యాదవ్‌పై మల్కాజ్‌గిరి ఎంపీ రేవంత్ రెడ్డి తీవ్రస్థాయిలో విమర్శలు చేశారు. శుక్రవారం ఈ సందర్భంగా ఆయన మీడియాతో మాట్లాడుతూ.. తలసాని శ్రీనివాస్ యాదవ్ మంత్రి కేటీఆర్‌ను భారత రాజ్యంగా నిర్మాత డాక్టర్ బీఆర్ అంబేద్కర్, మాహాత్మ జ్యోతిరావు ఫూలేలతో పోల్చడం సిగ్గుచేటు అని విమర్శించారు. ‘కేటీఆర్‌ను జ్యోతిరావు ఫూలేతో పోల్చుతున్నావంటే.. ఎంత దిగజారిపోయావో అర్ధం అవుతుంది.’ అని ఆగ్రహం వ్యక్తం చేశారు. అంతేగాకుండా మంత్రి తలసాని శ్రీనివాస్ యాదవ్ బస్తీల్లోకి రావాలని డిమాండ్ చేశారు. బస్తీల్లోని ప్రజలకు ఇంకా వరదసాయం అందలేదని తెలిపారు. గతకొన్ని రోజుల క్రితం దీన్‌దయాల్‌నగర్‌లో సుమేథా అనే అమ్మాయి నాలాల్లో కొట్టుకుపోతే.. ఇంతవరకూ ఆ కుటుంబానికి ప్రభుత్వం నష్టపరిహారం ఇవ్వలేదని మండిపడ్డారు.