‘జబర్దస్త్’ షోకు సిరి హనుమంత్ గుడ్ బై చెప్పనుందా?
దిశ, సినిమా: బుల్లితెరపై ప్రసారమవుతున్న షో లో జబర్దస్త్ ఎంతో మందిని అలరిస్తూ.. నెంబర్ వన్ షోగా రాణిస్తుంది. అయితే ఇందులో స్కిట్స్ చేసిన నటీనటులు, యాంకర్స్‌గా వ్యవహరించిన వారు కొందరు మంచి గుర్తింపు తెచ్చుకుని సినిమాల్లోనూ ఆఫర్లు అందుకుని ప్రేక్షకులను అలరిస్తున్నారు. ఈ షోలో మొదట యాంకర్స్‌గా చేసిన అనసూయ, రష్మి ఎంతలా పాపులారిటీ సంపాదించుకున్నారో ప్రత్యేకంగా చెప్పాల్సిన పని లేదు. అలాగే వీరిద్దరి తర్వాత సౌమ్య రావు కొద్ది రోజుల పాటు చేసింది. కానీ ఆ తర్వాత ఏమైందో తెలియదు కానీ జబర్దస్త్ కు దూరమైంది. ఇక ఆ తర్వాత ఈ షోకు బిగ్‌బాస్ బ్యూటీ సిరి హనుమంత్ యాంకర్‌గా ఎంట్రీ ఇచ్చింది. అయితే ఈ అమ్మడు జబర్దస్త్ షోకు వచ్చి కొన్ని నెలలు అవుతుంది. ఇంతలోనే ఆమె గుడ్ బై చెప్పేస్తోందా? అంటూ పలు వార్తలు చక్కర్లు కొడుతున్నాయి.
అసలు విషయంలోకి వెళితే.. తాజాగా, జబర్దస్త్ షో మార్చి 7న ప్రసారమయ్యే ఎపిసోడ్‌కు చెందిన ప్రోమో విడుదలైంది. ఇందులో భాగంగా కమోడియన్ నూకరాజు స్కిట్‌లో భాగంగా సిరి దగ్గరకు వెళ్లి.. సిరి హనుమంత్ జస్ట్ ఫర్ వన్ మంత్ వరకే యాంకరింగ్ చేస్తావటగా అని అంటాడు. దానికి ఆమె వాడికి ఫ్యూచర్ ఉండాలని వేసుకున్నాడు అంతే అంటుంది. అయితే మీరు ముందు ముందు కంటిన్యూ అవుతారా అని నూకరాజు అనగా.. అంతే కదా మరి అంటూ సమాధానమిస్తుంది. దానికి అతను మీరే చూడండి మీకే అర్థమవుతుందని నవ్వేస్తాడు. అయితే అదంతా స్కిట్‌లో భాగంగా జనాలను నవ్వించడానికి చేసినట్లుగా తెలుస్తోంది. ప్రస్తుతం దీనికి సంబంధించిన ప్రోమో నెట్టింట వైరల్‌గా మారింది. ఇక అది చూసిన వారంతా సిరి హేమంత్ గుడ్ బై చెప్పేస్తుందా? అయితే అనసూయను లేదా సౌమ్యను తీసుకురండి అంటూ కామెంట్లు చేస్తున్నారు.
Read More..
తెలుగు అమ్మాయిలకు సినీ రంగంలో అసలు గుర్తింపు లేదు : Chandini Chowdary
