Road Accident: మంచిర్యాల జిల్లాలో కారు బీభత్సం.. ఒకరి మృతి, పలువురికి గాయాలు

దిశ, వెబ్‌డెస్క్: రోడ్డు ప్రమాదం (Road Accident)లో ఒకరు మృతి చెందగా.. పలువురికి గాయలైన ఘటన మంచిర్యాల జిల్లా (Machiryal District)లో శుక్రవారం ఉదయం చోటుచేసుకుంది. వివరాల్లోకి వెళితే.. వెంకట్రావుపేట (Venkatrao Pet) వద్ద గ్రామానికి చెందిన కొందరు రోడ్డుపై వాకింగ్ చేసుకుంటూ వెళ్తున్నారు. ఈ క్రమంలోనే వెనుక నుంచి అతివేగంతో వచ్చిన కారు అదుపుతప్పి వాకర్స్‌ (Walkers)పైకి దూసుకెళ్లింది. ఈ దుర్ఘటనలో ఒకరు అక్కడికక్కడే ప్రాణాలు కోల్పోగా.. పలువురికి గాయలయ్యాయి. స్థానికుల సమాచారం మేరకు ఘటనా స్థలానికి చేరుకున్న పోలీసులు ప్రమాదం జరిగిన ప్రాంతాన్ని పరిశీలించారు. డ్రైవర్ అజాగ్రత్త వల్లే ప్రమాదం జరిగిందని ప్రాథమికంగా గుర్తించారు. ఈ మేరకు కేసు నమోదు చేసుకుని దర్యాప్తు చేస్తున్నామని పోలీసులు వెల్లడించారు.