ఫ్యాన్స్‌కు Vijay Deverakonda బంపర్ ఆఫర్ (వీడియో)
దిశ, డైనమిక్ బ్యూరో: టాలీవుడ్ రౌడీ హీరో విజయ్ దేవరకొండ తన అభిమానులకు బంపర్ ఆఫర్ ఇచ్చాడు. ఓ 100 మందిని హాలీడేకి పంపనున్నట్లు క్రిస్మస్ పండుగ రోజే సోషల్ మీడియా వేదికగా వీడీ అనౌన్స్ చేసిన సంగతి తెలిసిందే. అందుకు సంబంధించిన ఖర్చులను తానే భరిస్తానని, డెస్టినేషన్ సెలెక్ట్ చేసేందుకు హెల్ప్ చేయండి అంటూ క్రిస్మస్ రోజు ఓ వీడియో పోస్ట్ చేస్తూ విజ్ఞప్తి చేశాడు. తాజాగా ఇచ్చిన మాటను నిలబెట్టుకుంటూ ఆ హాలీడే ట్రిప్ అప్డేట్ ఇస్తూ ట్విట్టర్‌లో ఇంట్రెస్టింగ్ వీడియో షేర్ చేశారు. 100 మంది ఫ్యాన్స్‌ను 5 రోజుల పాటు మనాలి ట్రిప్‌కి పంపనున్నట్లు తెలిపాడు. 'నేను మీలో 100 మందిని మనాలికి 5 రోజుల ట్రిప్‌కు పంపుతున్నాను. ఇక మీరు మంచుతో కూడిన పర్వతాలను చూడబోతున్నారు. మఠాలు కూడా చూడొచ్చు. మీకోసం అన్ని ప్లాన్స్ చేసాం. 18 సంవత్సరాలకు పైగ వయసున్నవారు.. ఫారమ్ కంప్లీట్ చేసి నన్ను ఫాలో అవ్వండి. మీలో 100 మందిని ఎంపిక చేస్తాం. మీ ప్రయాణంలో నేను కూడా భాగం కావాలనుకుంటున్నాను. 100 మంది మౌంటెన్స్ వద్దకు వెళ్లండి. నూతన సంవత్సర శుభాకాంక్షలు'అంటూ విజయ్ షేర్ చేసిన వీడియో నెట్టింట వైరల్ అవుతుంది.
