పెళ్లి బాజాలతో బర్రెలక్క పెళ్లిపిల్ల వీడియో వైరల్..!
దిశ, సినిమా: హాయ్ ఫ్రెండ్స్ డిగ్రీలు, పీజీలు చదివినా పట్టాలు వస్తున్నాయి. కానీ ఉద్యోగాలు రావడం లేదంటూ నెట్టంట ఓ వీడియో పోస్ట్ చేసి ఫుల్ ఫేమస్ అయ్యింది బర్రెలక్క అలియాస్ శిరీష. గత ఏడాది తెలంగాణ ఎన్నికల్లో కొల్లాపూర్ నియోజకవర్గం నుంచి పోటీ చేసి బర్రెలక్క మరింత గుర్తింపు సంపాదించుకుంది. ఎమ్మెల్యేగా పోటీ చేసిన శిరీషకు నిరోద్యోగులు పెద్ద ఎత్తున సపోర్ట్ చేశారు. అయితే బర్రెలక్క వివాహిక బంధంలోకి అడుగుపెట్టబోతున్నట్లు అధికారింగా ప్రకటించిన విషయం తెలిసిందే.
ఇప్పటికే ఈమె ప్రీ వెడ్డింగ్ షూట్ వీడియోలు, ఎంగేజ్మెంట్ ఫొటోలు సోషల్ మీడియాలో వైరల్ అవుతున్నాయి. తాజాగా బర్రెలక్క తన ఇన్‌స్టాగ్రామ్ లో హల్దీ వేడుకలకు సంబంధించిన ఓ వీడియో అభిమానులతో పంచుకుంది. పెళ్లి కూతురిగా శిరీష ఎంతో అందంగా ముస్తాబైంది. ‘‘నన్ను పెళ్లి పిల్లను చేస్తున్నారు’’ అని సిగ్గుపడుతూ కాప్షన్ రాసుకొచ్చిన ఈ వీడియో సోషల్ మీడియాలో వైరల్ అవ్వగా.. శిరీషకు నెటిజన్లు ముందస్తు పెళ్లి శుభాకాంక్షలు, అభినందనలు తెలియజేస్తున్నారు. ఇక రేపు (గురువారం) (మార్చి 28)న బర్రెలక్క పెళ్లి గ్రాండ్ గా జరగనుంది.
