Varun Tej: భారీ ధరకు అమ్ముడుపోయిన వరుణ్ తేజ్ ‘మట్కా’ ఆడియో రైట్స్.. ఎన్ని కోట్లంటే? (పోస్ట్)
దిశ, సినిమా: టాలీవుడ్ యంగ్ హీరో వరుణ్ తేజ్ నటిస్తున్న సినిమా ‘మట్కా’. దీనికి కరుణ కుమార్ దర్శకత్వం వహిస్తుండగా.. ఈ పీరియాడిక్ బ్యాక్ డ్రాప్‌లో తెరకెక్కుతోంది. అయితే మట్కా సినిమాలో మీనాక్షి చౌదరి, నోరా ఫతేహి హీరోయిన్లుగా నటిస్తున్నారు. దీనిని వైరా ఎంటర్‌టైన్‌మెంట్స్ బ్యానర్‌పై నిర్మిస్తున్నారు. మట్కా షూటింగ్ శరవేగంగా జరుగుతోంది. ఇప్పటికే ఇందులోంచి విడుదలైన పోస్టర్స్, టీజర్, గ్లింప్స్ మంచి రెస్పాన్స్‌కు దక్కించుకోవడంతో పాటు అంచనాలను పెంచేశాయి.
అయితే ఈ మూవీ ఈ ఏడాది చివర్లో విడుదల కాబోతున్నట్లు సమాచారం. ఈ క్రమంలో.. తాజాగా, మట్కా ఆడియో రైట్స్‌కు సంబంధించిన పోస్ట్ ఒకటి సోషల్ మీడియాలో వైరల్ అవుతోంది. దీని ఆడియో రైట్స్‌ను పాపులర్ మ్యూజిక్ లేబుల్ ఆదిత్య మ్యూజిక్ దక్కించుకోగా.. రూ. 3.6 కోట్లకు కొనుగోలు చేశారని సమాచారం. ఇది వరుణ్ కెరీర్‌లో అత్యధికం కావడం విశేషం. భారీ బడ్జెత్‌తో తెరకెక్కుతున్న మట్కా చిత్రానికి జీవీ ప్రకాశ్ సంగీతం అందిస్తున్నాడు. అయితే ఇందులో వరుణ్ ఏకంగా నాలుగు విఫరెంట్ గెటప్స్‌తో మెప్పించబోతున్నట్లు తెలుస్తోంది.
