టాలీవుడ్ డైరెక్టర్స్ శక్తిని చూసి నేర్చుకోవాలి.. నెట్టింట దుమారం రేపుతున్న మెగాస్టార్ చిరంజీవి కామెంట్స్

దిశ, సినిమా: మెగాస్టార్ చిరంజీవి ఫ్యాన్స్ ఫాలోయింగ్ గురించి ఎంత చెప్పినా తక్కువే. ఆయన కోసం ఎంతో మంది ఏదైనా చేయడానికి రెడీ అయిపోతారు. మెగా హీరోల సినీ ఎంట్రీకి మెగాస్టార్ ముఖ్య కారణం అనడంలో ఎలాంటి సందేహం లేదు. చిరు ఇప్పటికీ వరుస చిత్రాల్లో నటిస్తూ కుర్ర హీరోలకు గట్టి పోటీనిస్తున్నాడు. మెగాస్టార్ ఇటీవల నటించిన వాల్తేరు వీరయ్య సినిమా భారీ విజయం సాధించింది. అయితే చిరుకి పద్మవిభూషణ్ అవార్డు దక్కించుకుని ప్రపంచవ్యాప్తంగా ఫ్యాన్స్ ఫాలోయింగ్ సంపాదించుకున్నాడు.

తాజాగా, వరుణ్ తేజ్ ఆపరేషన్ వాలెంటైన్ ప్రీ రిలీజ్ ఈవెంట్‌కు గెస్ట్‌గా వెళ్లారు. ఇందులో భాగంగా చిరంజీవి టాలీవుడ్ డైరెక్టర్స్‌ను ఉద్దేశించి సంచలన వ్యాఖ్యలు చేశాడు. ‘‘ వరుణ్ ఆపరేషన్ వాలెంటైన్ సినిమాకు శక్తి ప్రతాప్ సింగ్ దర్శకత్వం వహించారు. ఈ చిత్రం కేవలం 75 రోజుల్లోనే తెరకెక్కించారని తెలుస్తుంది. అంతేకాదు ఈ మూవీని తక్కువ బడ్జెట్‌తో రూపోందించారు. విజువల్స్ చాలా బాగున్నాయి. ఇంత తక్కువ బడ్జెట్‌లో సినిమా చేయడం గ్రేట్.

శక్తిని చూసి టాలీవుడ్ డైరెక్టర్స్ నేర్చుకోవాలి. ఎక్కువ బడ్జెట్ పెట్టి తీస్తేనే రిచ్‌నెప్ రాదు. తక్కువ మొత్తంలో కూడా సినిమా తీసి దాన్నే రిచ్‌గా చూపించడం తెలిసి ఉండాలి. అప్పుడే నిర్మాతకు ఎలాంటి నష్టం జరగదు. అలాగే ఇండస్ట్రీకి కూడా లాభం వస్తుంది. కాబట్టి టాలీవుడ్ దర్శకులు శక్తిని ఆదర్శంగా తీసుకోవాలి’’ అంటూ చెప్పుకొచ్చారు. ప్రస్తుతం చిరంజీవి కామెంట్స్ సోషల్ మీడియాలో హాట్ టాపిక్‌గా మారాయి. అయితే ఇవన్నీ చిరు ఇటీవల వచ్చిన భారీ సినిమాల గురించి ఉద్దేశించి అన్నారని అంతా చర్చించుకుంటున్నారు.