USA రైట్స్‌ను సొంతం చేసుకున్న ‘టిల్లు స్వ్కేర్’.. !!
దిశ, సినిమా: టాలీవుడ్ యంగ్ హీరో సిద్ధు జొన్నలగడ్డ గురించి సుపరిచితమే. రొమాంటిక్, కామెడీ టచ్ ఉన్న సినిమాలతో ప్రేక్షకులను అలరిస్తున్నాడు. అక్క రాధికక్క అంటూ డీజే టిల్లు చిత్రంతో సిద్ధు కెరీర్ ఓ మలుపు తిరిగింది. త్వరలో ఈ హీరో టిల్లు స్వ్కేర్ తో ప్రేక్షకుల ముందుకు రానున్నాడు. ఇందులో మరింత రొమాంటిక్, ఫన్నీ సీన్స్ ఉండనున్నాయని.. ఇప్పటికే ఈ మూవీ నుంచి విడుదలైన గ్లింప్స్, పోస్టర్లు చూస్తే అర్థమవుతోంది.
టాలీవుడ్ యంగ్ బ్యూటీ అనుపమ పరమేశ్వరన్ ఈ చిత్రంలో బోల్డ్ గా కనిపించనుంది. అయితే తాజాగా ఈ సినిమా USA రైట్స్ ను రీగల్ సినిమాస్ సొంతం చేసుకున్నట్లు సోషల్ మీడియాలో ప్రచారం జరుగుతోంది. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ను రిలీజ్ చేశారు.
అనుపమ పరమేశ్వరన్ కథానాయికగా నటిస్తోన్న ఈ సినిమా మార్చి 29 థియేటర్లలో గ్రాండ్ రిలీజ్ కానుంది. ఈ బ్లాక్ బస్టర్ చిత్రానికి రామ్ మిరియాల సంగీత సమకూర్చుతున్నారు. మల్లిక్ రామ్ దర్శకత్వం వహిస్తున్న ఈ చిత్రాన్ని సితార ఎంటర్‌టైన్‌మెంట్స్ అండ్ ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి.
