ఆవేశంతో కాకుండా ఆత్మసాక్షిగా ఆలోచించండి.. జబర్దస్త్ నటుడు ఎమోషనల్ ట్వీట్
దిశ, సినిమా: జబర్దస్త్ ద్వారా పాపులారిటీ సొంతం చేసుకున్న వారిలో హైపర్ ఆది ఒకడు. తన పంచులతో, కామెడీ టైమింగ్‌తో మంచి క్రేజ్ తెచ్చుకున్న ఈయన.. ప్రస్తుతం పలు షోలతో అలరిస్తున్నాడు. అంతే కాకుండా.. పవర్ స్టార్ పవన్ కల్యాణ్‌కు ఆది ఎంత పెద్ద ఫ్యానో ప్రత్యేకంగా చెప్పాల్సిన అవసరం లేదు. ఈ క్రమంలోనే పవన్ కల్యాణ్ స్టార్ట్ చేసిన జనసేనా పార్టీలో కార్యకర్తగా కూడా ఆది ఉన్నాడు. పార్టీ నిర్వహించిన మీటింగ్స్‌లో పాల్గొని ఎన్నో ప్రసంగాలు కూడా ఇచ్చాడు. ఇక చాలా మంది విమర్శలను తిప్పి కొడుతూ డైరెక్ట్‌గా, ఇన్‌డైరెక్ట్‌గా కూడా స్పందిస్తున్నాడు. ఈక్రమంలోనే తాజాగా జనసేనా పార్టీ గురించి X ఖాతా ద్వారా రియాక్ట్ అవుతూ ఎమోషనల్ వీడియో షేర్ చేశాడు ఆది.
టీడీపీ, జనసేనా పొత్తులో జనసేనకు 24 సీట్లు మాత్రమే కేటాయించారు. దీంతో పవన్ కల్యాణ్ ఫ్యాన్స్ చాలా మంది అసంతృప్తికి గురయ్యారు. అంతే కాకుండా.. సొంత పార్టీవాళ్లే ఆయనను దుయ్యబడ్డారు. ఈక్రమంలోనే ఆది స్పందిస్తూ.. ‘జనసేనా పార్టీకి 24 సీట్లు అని అనౌన్స్ చెయ్యగానే చాలా మంది పవన్ కల్యాణ్‌ను తిడుతున్నారు, ఆయనపై అలుగుతున్నారు. ఇంకొంత మంది అయితే.. మోసిన జెండానే కిందేసి కాల్చుతున్నారు. వేసిన స్టికర్స్‌ను లాగేస్తున్నారు. ఇవన్ని చూసి చాలా బాధగా అనిపిస్తుంది. ఒకసారి ఆవేశంతో కాకుండా ఆత్మసాక్షిగా ఆలోచించండి. తనను నమ్ముకున్న ప్రజలను కానీ, తన వెంట నడిచిన నాయకులను కానీ మోసం చేసే వ్యక్తిత్వం పవన్ కల్యాణ్‌కు ఉంటుందా. పెట్టిన పార్టీకి సపోర్ట్ చేసే మనమే ఇంత ఆలోచిస్తే.. ఒక పార్టీ పెట్టిన వ్యక్తి ఇంకెంత ఆలోచించాలి. ఒక నిర్ణయం తీసుకోవడానికి తనలో తాను ఎంత మదన పడి ఉంటాడు. ఇది ఒక్కసారి ఆలోచించాలని మనస్ఫూర్తిగా కోరుకుంటున్నాను. పది సంవత్సరాలుగా ఎటువంటి అవినీతికి పాల్పడకుండా తన సొంత కష్టాజితంతో పార్టీని నడుపుతున్న గొప్ప నాయకుడు పవన్ కల్యాణ్. అలాంటి వ్యక్తి గురించి మన శత్రువులు మాట్లాడుతున్నట్లు మనం కూడా మాట్లాడితే నిజంగా బాధ అనిపించింది’ అంటూ చెప్పుకొచ్చాడు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది.
