'The Warrior' డైరెక్టర్ లింగుస్వామికి జైలు శిక్ష
దిశ, వెబ్‌డెస్క్: కోలీవుడ్ స్టార్ డైరెక్టర్ లింగుస్వామి తమిళంలోనే కాకుండా తెలుగులోనూ కొన్ని సినిమాలకు దర్శకత్వం వహించి మంచి పేరు సంపాదించారు. ఇటీవల 'ది వారియర్' చిత్రంతో ప్రేక్షకులను మరోసారి పలకరించాడు. ఇదిలా ఉంటే లింగుస్వామికి చెన్నైలోని సయిదాపేట కోర్టు ఆరునెలల జైలు శిక్ష విధించింది. పీవీపీ క్యాపిటల్ ప్రొడక్షన్ కంపెనీలో లింగుస్వామి, అతడి సోదరుడు సుభాష్ చంద్ర ఒక సినిమా చేస్తామని కొంత డబ్బును తీసుకున్నారు. కార్తీ, సమంత జంటగా ఓ సినిమాను మొదలుపెట్టాడు లింగుసామి. అయితే, కొన్ని అనివార్య కారణాలతో ఈ సినిమా మధ్యలోనే ఆగిపోయింది.
దీంతో ఈ సినిమాకోసం తీసుకున్న డబ్బును మొత్తం తిరిగి ఇవ్వాల్సిందిగా పీవీపీ క్యాపిటల్ ప్రొడక్షన్ కంపెనీ లింగుస్వామిని అడిగింది. ఎన్నిసార్లు అడిగినా లింగుస్వామి నుంచి సమాధానం రాకపోవడంతో ఆ నిర్మాతలు లింగుసామి, అతని సోదరుడిపై కేసు వేశారు. అంతేకాకుండా ఆయన ఇచ్చిన చెక్స్ కూడా అన్నీ బౌన్స్ అయ్యాయని నిర్మాతలు కోర్టులో తెలిపారు. ఈ కేసును విచారించిన కోర్టు లింగుసామికి అతని సోదరుడికి ఆరు నెలల జైలు శిక్ష విధించడంతో పాటు మొత్తాన్ని వడ్డితో సహా చెల్లించాలని తీర్పునిచ్చింది.
