కనుల చాటు మేఘమా.. మదిలో నిలిచిపోయే పాట
దిశ, సినిమా: పీపుల్ మీడియా ఫ్యాక్టరీ, దాసరి ప్రొడక్షన్స్‌లో టీజీ విశ్వ ప్రసాద్, పద్మజ దాసరి నిర్మించిన రొమాంటిక్ ఫిల్మ్ 'ఫలానా అబ్బాయి ఫలానా అమ్మాయి'. శ్రీనివాస్ అవసరాల దర్శకత్వం వహించిన చిత్రంలో నాగశౌర్య, మాళవికా నాయర్ హీరోహీరోయిన్లుగా నటించారు. ఇప్పటికే విడుదలైన టీజర్ ప్రేక్షకుల్లో భారీ అంచనాలు పెంచేయగా మార్చి 17న ఈ మూవీ విడుదల కాబోతున్న సందర్భంగా 'కనుల చాటు మేఘమా' అంటూ సాగే ఫస్ట్ సాంగ్ రిలీజ్ చేశారు మేకర్స్.
ఈ మేరకు మాట్లాడిన చిత్ర బృందం.. అవసరాల, కళ్యాణ్ మాలిక్ వీళ్లిద్దరి కలయికతో వచ్చే సినిమాల్లో పాటలకి ప్రత్యేకత ఉంటుందన్నారు. 'ప్రేక్షకుల హృదయాల్లో ఇది ఖచ్చితంగా గుర్తిండిపోయే పాట అవుతుందని నమ్ముతున్నా. ఈ పాట చాలా తృప్తిని, ఆనందాన్ని ఇచ్చింది. ఇలాంటి పాటలు చాలా అరుదుగా వస్తాయి. ఇంత అద్భుతమైన పాటని స్వరపరిచిన కళ్యాణ్, లిరిక్స్ అందించిన లక్ష్మీ భూపాలకు ధన్యవాదాలు. ఆభాస్ జోషిని సింగర్‌గా తెలుగులో పరిచయం చేయడం గర్వంగా ఉంది' అన్నాడు డైరెక్టర్ అవసరాల.
