చిరంజీవిని రిజెక్ట్ చేసిన హీరోయిన్.. రొమాన్స్ నచ్చడం లేదంటూ వెళ్లిపోయిన నటి!
దిశ, వెబ్‌డెస్క్: అప్పటికి, ఇప్పటికీ మెగాస్టార్ చిరంజీవి సరసన నటించే ఛాన్స్ వస్తే ఏ హీరోయిన్ కూడా అస్సలు వదులుకోదు. అలాంటిది హీరోయిన్ నగ్మా చిరు సినిమాలో నటించడానికి ఇష్టపడలేదట. తెలుగు, కన్నడ, మలయాళ, భోజ్‌పూరి, హిందీ భాషల్లో నటించి మంచి గుర్తింపు తెచ్చుకున్న ఈ భామ 50 ఏళ్లు దాటినా ఇంకా పెళ్లి కాకపోవడం గమనార్హం. ఇదంతా పక్కన పెడితే గతంలో ఈ హీరోయిన్, మెగాస్టార్‌తో ‘ఘరానా మొగుడు’ చిత్రంలో నటించిన సంగతి తెలిసిందే.
ఈ మూవీ షూటింగ్‌లో నగ్మా, చిరుతో కలిసి ఓ రొమాంటిక్ సీన్‌లో నటిస్తోన్న సమయంలో ఎందుకో ఆమెకు రొమాన్స్ ఇబ్బందిగా అనిపించిందట. ఆ షూటింగ్ అయిపోయాక ‘మీతో రొమాన్స్ నాకు నచ్చడం లేదంటూ ఫేస్‌పైనే చెప్పిందట నగ్మా. ఇక అప్పటి నుంచి మెగాస్టార్ దగ్గరకు దర్శక, నిర్మాతలు ఏదైనా మూవీ కోసం వస్తే నా చిత్రంలో నగ్మాను మాత్రం తీసుకోకండి అని చెప్పేవారట. ఈ విషయాన్ని ఈమండి రామారావు ఓ ఇంటర్వ్యూలో బయటపెట్టాడు. ప్రస్తుతం ఈ వార్త సోషల్ మీడియాలో హాట్ టాపిక్‌గా మారింది.
