టాలీవుడ్‌లో 10 కోట్ల రూపాయలు వసూళ్లు కొల్లగొట్టిన ఫస్ట్ మూవీ ఇదే?
దిశ, సినిమా: ఎంతోమందికి ఆదర్శంగా నిలిచే మెగాస్టార్ చిరంజీవి గురించి సుపరిచితమే. ఎన్నో బ్లాక్ బస్టర్ చిత్రాల్లో నటించి తన నటన, డాన్స్ తో భారీ ఫ్యాన్స్ ఫాలోయింగ్ ను సొంతం చేసుకున్నారు. మెగాస్టార్ నటించిన భోళా శంకర్ సినిమా గత ఏడాది విడుదలై.. దారుణంగా బోల్తా పడింది. ఎలాగైనా సాలిడ్ హిట్ కొట్టాలని చిరు ప్రస్తుతం ‘విశ్వంభర’ చిత్రంతో ప్రేక్షకుల ముందుకు రావడానికి సిద్ధంగా ఉన్నారు.
ఈ మూవీ కోసం మెగా ఫ్యాన్స్ ఈగర్ గా వెయిట్ చేస్తున్నారు. బాక్సాఫీసు షేక్ చేయనుందని భారీ అంచనాలు పెంచేసుకున్న అభిమానుల కోరిక తీరనుందా? అని వచ్చే ఏడాది జనవరి 20 వరకు ఎదురుచూడాల్సిందే. ఇదంతా పక్కన పెడితే.. చిరంజీవి గురించి నెట్టింట ఓ వార్త వైరల్ అవుతోంది. అయితే టాలీవుడ్ సినీ ఇండస్ట్రీలో మొదటిసారిగా 10 కోట్ల కలెక్షన్స్ ను సాధించిన ఘనత మెగాస్టార్ చిరంజీవి దక్కించుకున్నారట. మెగాస్టార్ హీరోగా తెరకెక్కిన ఘరానా మొగుడు చిత్రం ఇండస్ట్రీ హిట్ కొట్టడమే కాకుండా ఏకంగా మొదటిసారి 10 కోట్లు రాబట్టిన మొదటి సినిమాగా కూడా నిలిచింది.
ఇక ఈ సినిమా వచ్చిన తర్వాత ‘ది వీక్ ‘ అనే ఒక ఆంగ్ల వార పత్రికలో చిరంజీవి గురించి చాలా గొప్పగా రాశారట. ఇండియాలోనే అత్యధిక పారితోషికం తీసుకునే హీరో చిరంజీవి అని చెబుతూనే, “బిగ్గర్ దెన్ బచ్చన్” అంటూ ఆయన్ని పొగడడం అప్పట్లో ఒక పెను సంచలనాన్ని సృష్టించింది.1992 సంవత్సరంలో వచ్చిన ఈ మూవీ సంవత్సరం మొత్తం బాక్సాఫీసును ఒక ఊపు ఊపేసింది.
