కొత్త ప్రపంచంలోకి తీసుకెళ్లిన Brahmāstra.. ప్రేక్షకులకు విజువల్ ట్రీట్
దిశ, సినిమా : ఎన్నో ఏళ్లుగా ఎదురు చూస్తున్న 'బ్రహ్మాస్త్ర' మూవీ ట్రైలర్ వచ్చేసింది. హిందీ సహా తెలుగు, తమిళం, కన్నడ, మలయాళ భాషల్లో విడుదల కానున్న ఈ మూవీ ట్రైలర్ ప్రేక్షకులకు విజువల్ ట్రీట్ అందించిందని చెప్పొచ్చు. టాలీవుడ్ కింగ్ అక్కినేని నాగార్జున ఈ ట్రైలర్‌లో ఎక్కువసేపు కనిపించకపోయినా.. చూస్తున్నంత సేపు ఓ కొత్త ప్రపంచంలోకి తీసుకెళ్లిన అనుభూతిని మాత్రం కలిగిస్తుంది. 'శివ' పేరుతో వస్తున్న 'బ్రహ్మాస్త్ర' మూవీ మొదటి భాగం సెప్టెంబర్ 9న రిలీజ్ కానుండగా మరో రెండు భాగాలు ఆ తర్వాత రానున్నాయి. కాగా ఈ సినిమా భారతీయుల ఘనమైన సంస్కృతిని, పురాణాల్లోని గొప్పతనాన్ని చాటుతుందని డైరెక్టర్‌ అయాన్‌ ముఖర్జీ చెప్పాడు.
ఇక నటీనటుల విషయానికొస్తే.. 'నాగిని' సీరియల్‌తో ఫుల్ ఫేమ్ సొంతం చేసుకున్న మౌనీ రాయ్‌ ఈ మూవీలో నెగెటివ్‌ షేడ్స్ ఉన్న క్యారెక్టర్‌లో కనిపిస్తోంది. కాగా అగ్ని అస్త్రంగా కనిపిస్తున్న రణ్‌బీర్‌.. బ్రహ్మాస్త్రాన్ని దుష్టుల చేతికి చిక్కకుండా కాపాడే శివుడి పాత్రలో అదరగొట్టాడు. బిగ్‌ బీ అమితాబ్‌ బచ్చన్‌ కూడా ఇందులో కీలక పాత్ర పోషిస్తున్న సంగతి తెలిసిందే.
