Hrithik Roshan: మళ్లీ అలాంటివి జరగకూడదంటే అదొక్కటే మార్గం.. హృతిక్ రోషన్ ఆసక్తికర పోస్ట్

దిశ, సినిమా: ఇటీవల కోలకతాలో ఓ ట్రైనీ డాక్టర్‌పై హత్యచారం జరిగిన విషయం తెలిసిందే. దీనిపై దేశవ్యాప్తంగా ఉన్న ప్రజలు ఆందోళన వ్యక్తం చేస్తూ పలు పోస్టులు షేర్ చేస్తున్నారు. అంతేకాకుండా వైద్యకళాశాలలు, డాక్టర్లు నిరసన కూడా చేస్తున్నారు. అయితే ఈ సంఘటనపై పలువురు సినీ స్టార్స్ కూడా స్పందించిన విషయం తెలిసిందే. ఈ క్రమంలో.. తాజాగా, బాలీవుడ్ స్టార్ హీరో హృతిక్ రోషన్ డాక్టర్‌పై జరిగిన హత్యాచార ఇన్సిడెంట్‌పై రియాక్ట్ అవుతూ ట్విట్టర్ వేదికగా ఓ పోస్ట్ షేర్ చేశాడు.

‘‘అందరూ సురక్షితంగా, సమానంగా ఉండే సమాజం కావాలి. కానీ అది పరిణామం చెందాలంటే దశాబ్దాలు పడుతుంది. సురక్షితమైన సమాజం, కుమారులను, కుమార్తెలను శక్తివంతంగా చేయడంలో తోడ్పడుతుంది. రాబోయే తరాలు బాగుపడతాయి. అయితే ఇలాంటి దురాగతాలను జరగకుండా ఉండాలంటే నిందితులను కఠినంగా శిక్షించాలి. అలా చేయడం వల్ల మళ్లీ ఇలాంటి జరగకుండా అడ్డుకోవచ్చు. బాధిత కుటుంబానికి నేను అండగా ఉంటాను. అయితే నిన్న రాత్రి దాడికి గురైన వైద్యులందరికీ సపోర్ట్‌గా ఉంటాను’’ అని రాసుకొచ్చాడు. ప్రజెంట్ హృతిక్ రోషన్ పోస్ట్ నెట్టింట వైరల్ అవుతోంది.