యాదవులు అన్ని రంగాల్లో రాణించాలి

దిశ, మునుగోడు: యాదవులు ఆర్థికంగా, రాజకీయంగా రాణించాలని మునుగోడు ఎమ్మెల్యే కోమటిరెడ్డి రాజగోపాల్ రెడ్డి అన్నారు. శుక్రవారం మండల కేంద్రంలోని జిల్లా పరిషత్ ఉన్నత పాఠశాలలో గొల్ల కురుమల ఆధ్వర్యంలో..ఏర్పాటు చేసిన సదర్ ఉత్సవ కార్యక్రమానికి ఆయన ముఖ్యఅతిథిగా హాజరై మాట్లాడారు. యాదవ సోదరులు నీతికి నిజాయితీకి మారుపేరని కొనియాడారు. మునుగోడు నియోజకవర్గ కేంద్రంలో గొల్ల కురుమ సంఘ భవనం కోసం కలెక్టర్ తో మాట్లాడి.. స్థలం కేటాయింపు జరిగేలా చూస్తానని, భవన నిర్మాణానికి తన వంతుగా సహకరిస్తానని హామీ ఇచ్చారు. ముందుగా గొల్ల కురుమ సంఘం నాయకులతో కలిసి ఆయన జ్యోతి ప్రజల్వన చేసి కార్యక్రమాన్ని ప్రారంభించి, యాదవ సోదరులతో కలిసి దున్నపోతును ఆడించారు. ఈ కార్యక్రమంలో మాజీ రాజ్యసభ సభ్యుడు బడుగుల లింగయ్య యాదవ్, బీజేపీ రాష్ట్ర ప్రధాన కార్యదర్శి కాసం వెంకటేష్, మాజీ కార్పొరేషన్ చైర్మన్ దూదిమెట్ల బాలరాజు యాదవ్, సీపీఐ జిల్లా కార్యదర్శి నెల్లికంటి సత్యం,డీసీసీబీ చైర్మన్ కుంభం శ్రీనివాస్ రెడ్డి, వివిధ పార్టీల నాయకులు జక్కలి ఐలయ్య యాదవ్, బూడిద లింగయ్య యాదవ్, లోడంగి గోవర్దన్ రెడ్డి, అయోధ్య, దోటి వెంకటేష్, మేకల మల్లయ్య, జాల వెంకన్న, తీర్పారి వెంకన్న, బీమనపల్లి సైదులు, మాల్గ యాదయ్య, కర్నాటి స్వామి, పెంబల్ల జానయ్య, తదితరులు పాల్గొన్నారు.