తెలంగాణ అల్లుడిగా వచ్చా.. నా లైఫ్‌లోకి నా దేవత వచ్చింది.. స్టార్ హీరో ఇంట్రెస్టింగ్ కామెంట్స్
దిశ, సినిమా: కోలీవుడ్ స్టార్ హీరో సిద్ధార్థ్(Sidharth)- అందాల ముద్దుగుమ్మ అదితిరావు హైదరీ(Adithirao Hydari) రీసెంట్‌గా మ్యారేజ్ చేసుకున్న సంగతి తెలిసిందే. కొన్నేళ్లు పాటు సీక్రేట్‌గా డేటింగ్‌లో ఉన్న ఈ జంట వనపర్తిలోని ఓ పురాతన ఆలయంలో నిశ్చితార్థం చేసుకుని షాక్ ఇచ్చారు. అలాగే వివాహం కూడా కేవలం కొంత మంది సమక్షంలో అక్కడే చేసుకున్నారు ఈ జంట. ఇక వాటికి సంబంధించిన ఫొటోలను సోషల్ మీడియాలో పోస్ట్ చేయడంతో ఆ పిక్స్ కాస్త వైరల్‌గా మారాయి. అయితే తాజాగా ‘మిస్ యూ’(Miss You) ప్రమోషన్లలో భాగంగా సిద్ధార్థ్ తన సతీమణి గురించి ఆసక్తికర కామెంట్స్ చేశాడు.
ఆయన మాట్లాడుతూ.. “వచ్చే సంక్రాంతి నాకు చాలా ముఖ్యమైంది. 20 ఏళ్ల క్రితం ఎంఎస్ రాజు(MS Raju) నిర్మాణంలో వచ్చిన 'నువ్వొస్తానంటే నేనొద్దంటానా'(Nuvvu Vasthanante Nenu Vadhantana) సినిమాతో సంక్రాంతి హీరోగా తెలుగు ప్రేక్షకులకు పరిచయం అయ్యాను. ఆ సినిమాతో మీరు నాకు కొత్త లైఫ్ ఇచ్చారు. ఆ తర్వాత హైదరాబాద్‌లో ఇల్లు తీసుకొని, చాలా కాలం ఇక్కడే తెలంగాణ బిడ్డగా పెరిగా. ఇప్పుడు తెలంగాణా అల్లుడిగా మీ ముందు నిల్చున్నా. అందుకే ఈ సంక్రాంతి నాకు చాలా ఇంపార్టెంట్. అదితిరావ్‌ హైదరీ తల్లితండ్రులు తెలంగాణా ప్రాంతానికి చెందినవారు. వనపర్తి సంస్థానాధీశుల ఆఖరి రాజు రామేశ్వరరావుకు ఆమె మనవరాలు అవుతుంది. అందుకే ఆమెను ప్రేమ వివాహం చేసుకున్నాను. పెళ్ళి తర్వాత ఎలాంటి బాధలు లేకుండా చాలా హ్యాపీగా, కామ్‌గా ఉన్నాను. అదితి రూపంలో తన జీవితంలోకి దేవత వచ్చింది. ఇలాంటి గొప్ప వరం దొరకడం నా అదృష్టం.
నా లైఫ్ లోకి నా దేవత వచ్చింది. నా ఇంటికి మహాలక్ష్మి వచ్చింది. నేను చాలా చాలా గ్రేట్ ఫుల్‌గా ఉన్నాను. 2024 లో నాకు జరిగిన మంచి విషయం ఇదే. మంచి జరిగిందా అని నేను కూడా సర్ప్రైజ్ అయ్యాను. హమ్మయ్య, దేవుడి దయతో మంచి జరిగిందని రిలీఫ్ అయ్యాను. నాకైతే నా జీవితంలోనే ఎంతో సంతోషకరమైన మూమెంట్ ఇది" అని సిద్దార్థ్ చెప్పుకొచ్చారు. కాగా ‘మిస్ యూ’ సినిమాలో సిద్ధార్థ్, అషికా రంగనాథ్(Ashika Ranganath) హీరో, హీరోయిన్‌గా నటిస్తున్నారు. ఇక ఎన్ రాజశేఖర్ (N Rajasekhar) దర్శకత్వంలో రొమాంటిక్ లవ్ డ్రామాగా తెరకెక్కుతున్న ఈ మూవీ నవంబర్ 29న తమిళ, తెలుగు భాషల్లో ప్రేక్షకుల ముందుకు రాబోతుంది.
