తమన్నా ‘ఓదెల-2’ ఫస్ట్ లుక్ పోస్టర్ రిలీజ్.. ఆ గెటప్‌తో షాకిచ్చిన మిల్కీ బ్యూటీ
దిశ, సినిమా: టాలీవుడ్ స్టార్ హీరోయిన్ తమన్నా ఇటీవల ఓ వెబ్‌సిరీస్‌లో మరీ బోల్డ్‌గా నటించి అందరికీ షాకిచ్చిన విషయం తెలిసిందే. ప్రస్తుతం ఈ అమ్మడు వరుస చిత్రాల్లో నటిస్తూ మెప్పిస్తుంది. ఇక ఇప్పుడు తమన్నా ఓదెల-2తో ప్రేక్షకులు ముందుకు రాబోతుంది. రెండేళ్ల క్రితం ఓటీటీలో విడుదలైన ‘ఓదేల రైల్వే స్టేషన్’ సీక్వెల్‌గా ఈ సినిమా రాబోతుంది. అశోక్ తేజ దర్శకత్వం వహించిన ఈ మూవీని సంపత్ నంది నిర్మిస్తున్నారు. ఈ మూవీ పూజాకార్యక్రమాలు మార్చిన జరిగిన సంగతి తెలిసిందే.
తాజాగా, నేడు మహా శివరాత్రి కావడంతో మేకర్స్ తమన్నా ఫ్యాన్స్‌కు సర్‌ప్రైజ్ ఇచ్చారు. ఓదెల-2 మూవీ ఫస్ట్ లుక్ పోస్టర్‌ను విడుదల చేశారు. ఈ విషయాన్ని తమన్న ఇన్‌స్టా వేదికగా తెలుపుతూ అభిమానులకు శివరాత్రి శుభాకాంక్షలు తెలిపింది. ఇందులో ఆమె గంగా నది తీరాన నడుస్తూ.. ఒక చేతిలో ఢమరుకం, మరో చేతిలో దండం పట్టుకుని కనిపించింది. శివ శక్తి గా నటిస్తున్నట్లు తెలుస్తోంది. అయితే ఓదెల-2 సినిమాను పలు భాషల్లో థియేటర్స్‌ విడుదల చేయడానికి మేకర్స్ ప్లాన్ చేస్తున్నట్లు టాక్. ప్రస్తుతం తమన్నా పోస్టర్ వైరల్ అవుతుండగా.. ఆ గెటప్‌లో ఆమెను చూసిన ఫ్యాన్స్ షాక్ అవుతున్నారు.
