‘శ్రీ శ్రీ శ్రీ రాజావారు’ వచ్చేస్తున్నారు.. డైరెక్టర్ ఆసక్తికర కామెంట్స్ వైరల్

దిశ, సినిమా: మ్యాడ్, ఆయ్ లాంటి విజయాలతో హీరోగా గుర్తింపు తెచ్చకున్న నార్నే నితిన్‌ నటిస్తున్న తాజా చిత్రం 'శ్రీశ్రీశ్రీ రాజావారు'. శతమానం భవతి దర్శకుడు సతీష్ వేగేశ్న దర్శకత్వంలో శ్రీ వేదాక్షర మూవీస్ పతాకంపై చింతపల్లి రామారావు నిర్మిస్తున్నారు. నితిన్‌ సరసన సంపద హీరోయిన్‌గా నటిస్తున్న ఈ చిత్రాన్ని దసరాకు విడుదల చేయడానికి సన్నాహాలు చేస్తున్నారు. ఈ సందర్భంగా నిర్మాత చింతపల్లి రామారావు మాట్లాడుతూ.. ‘కథానాయకుడు నితిన్‌ ఫీల్‌గుడ్‌ యూత్‌ఫుల్‌ ఎంటర్‌టైనర్‌ చిత్రాల్లో నటిస్తూ మంచి విజయాలు అందుకున్నాడు. ఈ చిత్రం కూడా అన్ని కమర్షియల్ ఎలిమెంట్స్‌తో యాక్షన్ ఎంటర్ టైనర్‌గా రూపొందించాం. హీరో గత చిత్రాలకు భిన్నంగా మా సినిమా ఉంటుంది. కచ్చితంగా ఈ దసరాకి నార్నె నితిన్ ఖాతాలో ఆయ్ , మ్యాడ్ తరహాలో హ్యాట్రిక్ హిట్ వస్తుందని గట్టిగా నమ్ముతున్నాం’’ అని చెప్పుకొచ్చాడు.