సెలబ్రిటీలు తప్పుడు దారుల్లో వెళ్తే తప్పేంటి.. స్టార్ నటి షాకింగ్ కామెంట్స్
దిశ, సినిమా: కుర్ర నటి సౌమ్య జాను పలు టాలీవుడ్ సినిమాల్లో క్యారెక్టర్ ఆర్టిస్ట్‌గా నటించి తెలుగు ప్రేక్షకులను మెప్పించింది. ఇప్పుడిప్పుడే హీరోయిన్ గా ఎదుగుతోన్న సౌమ్య చందమామ, కథలు, తడాఖా, లయన్, వంటి చిత్రాల్లో నటించి తెలుగు ప్రేక్షకులను కట్టిపడేసింది.
అయితే ఈ బ్యూటీ రీసెంట్‌గా బంజారా హిల్స్‌లో ట్రాఫిట్ హోమ్‌గార్డ్ పై దాడి చేసిన విషయం తెలిసిందే. జాగ్వార్ కారు నడుపుతూ రాంగ్ రూట్‌లో ప్రయాణించిన ఈ నటిని బంజారా హిల్స్‌ ట్రాఫిక్ హోమ్ గార్డు అడ్డుకున్నారు. ఆమెను హోమ్ గార్డు అడ్డుకున్నందుకు వారిపై దాడికి పాల్పడింది. ఈ ఇష్యూపై పోలీసులు సౌమ్యపై కేసు కూడా నమోదు చేసారు.
దీనికి సంబంధించిన వీడియో సోషల్ మీడియాలో వైరల్ అవ్వగా.. తమ టాలెంట్‌తో ఏంతో కొంత ఫేమ్‌ను దక్కించుకున్న పలు సెలబ్రిటీలు ఇలాంటి తెలివితక్కువ పనులతో పోలీస్ కేసులు, స్టేషన్లు చుట్టూ తిరుగుతూ ఉన్న ఇమేజ్‌ను కాస్త డ్యామేజ్ చేసుకుంటారు అంటూ తిట్టిపోశారు.
తాజాగా ఓ ఇంటర్వ్యూకు హాజరైన సౌమ్య జానుకు ఈ ఇష్యూపై ప్రశ్నలెదురవ్వగా.. తను బదులిస్తూ.. అర్జెంట్ పని ఉన్నప్పుడు రాంగ్ రూట్‌లో వెళ్తే తప్పు ఏంటి? నాలాంటి పెద్ద సెలెబ్రిటీనే అడ్డుకుంటున్నారంటే.. ఇక సామాన్యుల పరిస్థితి ఏంటి? హోం గార్డు పై నేను కేసు కూడా పెడతాను. నా పై కేసు అయింది. మరీ ఇప్పటివరకు విచారణకు ఎందుకు పిలవలేదు. అంటూ సౌమ్య జాను చెప్పుకొచ్చింది.
