'మణి శంకర్' గొప్ప విజయం సాధిస్తుంది: మురళీ మోహన్

దిశ, సినిమా : శివ కంఠమనేని, సంజ‌న గ‌ల్రాని, ప్రియా హెగ్దే, చాణ‌క్య ప్రధాన పాత్రల్లో తెరకెక్కిన చిత్రం 'మణిశంకర్'. లైట్ హౌస్ సినీ క్రియేషన్స్ ప‌తాకంపై కె.ఎస్. శంకర్ రావు, ఆచార్య శ్రీ‌నివాస‌రావు, ఎం. ఫణిభూషణ్ సంయుక్తంగా నిర్మించిన చిత్రానికి జి.వెంకట్ కృష్ణణ్ దర్వకత్వం వహించాడు. అయితే తాజాగా ఈ మూవీ ఆడియో లాంచ్ ఈవెంట్‌ను ఘనంగా నిర్వహించగా మురళీ మోహన్, సి. క‌ళ్యాణ్, అశోక్ కుమార్ ముఖ్య అతిథులుగా విచ్చేశారు.

ఈ సంద‌ర్భంగా 'మ‌ణిశంక‌ర్' బిగ్ ఆడియో సీడీని ఆవిష్కరించిన వీఐపీ ప్రైమ్‌ సీఈవో సతీష్‌ రెడ్డి టీమ్ అందరికీ ఆల్ ది బెస్ట్ చెప్పాడు. అలాగే మురళీ మోహన్, సీ కళ్యాణ్ మాట్లాడుతూ.. డబ్బు చుట్టూ తిరిగే సరికొత్త కథతో వస్తున్న ఈ చిత్రం విజయవంతం అవ్వాలని కోరుకుంటున్నామన్నారు. అలాగే ట్రైలర్ చూస్తుంటే ఎంతో ఆసక్తికరంగా అనిపిస్తోందని, తప్పకుండా అన్ని వర్గాల ప్రేక్షకులను ఆకట్టుకుంటుందంటూ చిత్ర బృందానికి ఆల్ ది బెస్ట్ చెప్పారు. ఎం.ఎల్.రాజా సంగీతం అందించాడు.

ALSO READ : కరోనా వచ్చింది.. సోనూసూద్ వచ్చాడు.. సాయం కావాలంటే నా ఓల్డ్ నెంబర్‌ను సంప్రదించండి