ప్రేమ, త్యాగం, ద్రోహం.. విభిన్న భావోద్వేగాల 'Mission Majnu' Trailer
దిశ, సినిమా: బాలీవుడ్ హీరో సిద్దార్థ్ మల్హోత్రా, రష్మిక మందన్నా ప్రధాన పాత్రల్లో తెరకెక్కిన చిత్రం 'మిషన్ మజ్ను'. శంతను బాగ్చి రూపొందించిన ఈ మూవీ జనవరి 20న నెట్‌ఫ్లిక్స్‌లో విడుదలకానున్న నేపథ్యంలో ప్రమోషన్స్‌ను వేగవంతం చేశారు మేకర్స్. ఈ క్రమంలోనే రీసెంట్‌గా ట్రైలర్‌ రిలీజ్ చేయగా ఈ సినిమాను యదార్థ సంఘటనల ఆధారంగా రూపొందించినట్లు తెలుస్తోంది. 1970లో ఇండియా చేపట్టిన ఓ కఠినమైన మిషన్‌కు సంబంధించిన స్టోరీని స్పష్టంగా చూపించినట్లు అర్థమవుతుండగా.. పాకిస్తాన్ తయారు చేసిన న్యూక్లియర్ బాంబ్‌ను భారత్ ఎలా కనిపెట్టిందనేది వివరంగా చూపించబోతున్నట్లు మేకర్స్ తెలిపారు. అలాగే ప్రేమ, త్యాగం, ద్రోహం అన్ని రకాల భావోద్వేగాలతో కూడిన ట్రైలర్‌ అభిమానులను ఆకట్టుకుంటోంది. ఇక సిద్దార్థ్ ప్రియురాలిగా నటించిన రష్మిక సరికొత్తగా కనిపిస్తుండగా రోనీ స్క్రూవాలా, అమర్ బుటాలా, గరిమా మెహతా నిర్మించిన ఈ మూవీలో పర్మిత్ సేతి, షరీబ్ హష్మీ, కుముద్ మిశ్రా, జాకీర్ హుస్సేన్, మిర్ సర్వర్ వంటి ప్రముఖ నటులు కీలక పాత్రల్లో కనిపించనున్నారు.
ఇవి కూడా చదవండి : నవ్వులు పూయిస్తున్న 'వినరో భాగ్యము విష్ణు కథ' టీజర్!
