సెల్యూట్ ది కెప్టెన్.. తండ్రి గెలుపుపై అఖీరా పోస్ట్ వైరల్

దిశ, సినిమా: నిన్న ఏపీ ఎన్నికల రిజల్ట్స్‌లో జనసేన ముఖ్య పాత్ర పోషించడంతో పాటు జనసేన కూడా పోటీ చేసిన అన్ని నియోజకవర్గాల్లో దూసుకుపోయింది. దీంతో సినీ పరిశ్రమ నుంచి పవన్ కళ్యాణ్ కు అభినందనలు వెల్లువెత్తుతున్నాయి. సినీ పరిశ్రమలో అనేకమంది డైరెక్ట్ గా, ఇండైరెక్ట్ గా జనసేనకు, కూటమికి సపోర్ట్ చేశారు. ఇప్పుడు జనసేన గెలవడంతో పవన్ కు కంగ్రాట్స్ చెప్తూ పలువురు హీరోలు, డైరెక్టర్స్, నిర్మాణ సంస్థలు, సినీ ప్రముఖులు ట్వీట్స్ చేస్తున్నారు.

ఈ క్రమంలో తాజాగా పవన్ కళ్యాణ్ తనయుడు అకిరా సైతం తన తండ్రి గెలుపు పై ట్వీట్ చేశారు. 'సెల్యూట్ ది కెప్టెన్' అంటూ పవన్ కళ్యాణ్ ఫొటోను షేర్ చేస్తూ ఇన్‌స్టాగ్రామ్‌లో స్టోరీ పెట్టాడు అకీరా. ఈ ఫొటోను రేణూ దేశాయ్ తన ఇన్‌స్టాలో షేర్ చేస్తూ 'తన నాన్నపై అకీరా పోస్ట్' అంటూ క్యాప్షన్ ఇచ్చారు. అయితే ఇందులో అకీరా ఇన్‌స్టా ఐడీ కనిపించకుండా పేరును బ్లర్ చేశారు రేణూ. గతంలో కూతురు ఆద్య పోస్ట్‌ను కూడా ఇలానే షేర్ చేస్తూ ఐడీ కనిపించకుండా జాగ్రత్త పడ్డారు రేణూ. ఒక వేళ వీళ్ల ఇన్‌స్టా ఐడీలు తెలిస్తే ఫ్యాన్స్ భారీ ఎత్తున వీళ్లను ఫాలో అయ్యే అవకాశం ఉంది. దీంతో వాళ్ల ప్రైవసీకి భంగం కలుగుతుందని రేణూ దేశాయ్ భావించి ఉండవచ్చు. అందుకే వీళ్ల ఐడీలను రివీల్ చేయకుండా జాగ్రత్తలు తీసుకుంటున్నారు. ప్రస్తుతం ఈ వార్త నెట్టింట తెగ వైరల్ అవుతుంది.