సల్మాన్ ఖాన్ టైగర్ 3.. ఒక్క రోజులో ఎంత వసూలు చేసిందంటే

దిశ, వెబ్‌డెస్క్: బాలీవుడ్ స్టార్ హీరో సల్మాన్ ఖాన్ హీరోగా, కత్రినా కైఫ్ హీరోయిన్ గా నటించిన టైగర్ 3 చిత్రం దీపావళి కానుకగా విడుదలైంది. ఈ చిత్రం అన్ని భాషల్లోనూ మిక్స్ డ్ టాక్ తెచ్చుకుంది. దీంతో పండుగ కానుకగా విడుదలైన ఈ చిత్రం మంచి విజయాన్ని రాబట్టింది. కాగా టైగర్ 3 సినిమా బాక్సాఫీస్ వద్ద ఆకట్టుకునే ఓపెనింగ్ డే కలెక్షన్‌ను నమోదు చేసి రూ.40 కోట్లు దాటింది. దేశ వ్యాప్తంగా 5500 స్క్రీన్‌లు, ఓవర్సీస్ లో 3400, స్క్రీన్ లలో విడుదలైంది.

కాగా ఈ సినిమా మొదటి రోజు అన్ని భాషల్లో 44.50 కోట్లు వసూలు చేసింది. పూర్తిగా యాక్షన్ సీన్లతో నిండిపోయిన ఈ చిత్రం.. మాస్ ప్రేక్షకులను బాగానే ఆకట్టుకుంటుంది. దీంతో బాక్సాఫీస్ వద్ద భారీ వసూళ్లను రాబట్టే అవకాశం ఉందని సినీ విశ్లేషకులు అంచనా వేస్తున్నారు. కాగా ఈ సినిమాకు మనీష్ శర్మ దర్శకత్వం వహించగా, ఆదిత్య చోప్రా రచనను అందించారు. ఈ చిత్రం నవంబర్ 12 దేశవ్యాప్తంగా హిందీ, తమిళం, తెలుగు భాషల్లో విడుదలైంది.