Salaar మూవీ వాయిదా.. ఆ డేట్ ఫిక్స్..!
దిశ, వెబ్ డెస్క్ : దర్శకుడు ప్రశాంత్ నీల్, యంగ్ రెబల్ స్టార్ ప్రభాస్ కాంబినేషన్ లో వస్తున్న పవర్ ప్యాక్ 'సలార్'. ఈ మూవీ విడుదల తేదీ విషయంలో మొదటి నుంచి చాలా మందికి అనుమానాలు ఉన్నాయి. సెప్టెంబర్ 28న మూవీ రిలీజ్ కావాల్సి ఉండగా ఇప్పటి వరకు ప్రోమోల హడావిడి లేకపోవడంతో రిలీజ్ వాయిదా పడుతుందనే టాక్ ఫిల్మ్ వర్గాల్లో టాక్ వినిపించింది. అయితే, ఇప్పుడు అదే నిజమైంది.
మూవీకి సంబంధించి అనుకున్న టైంలో సీజీ వర్క్ పూర్తి కాకపోవడం, కంటెంట్ పై దర్శకుడు ప్రశాంత్ నీల్ ప్రత్యేక దృష్టి సారించడంలో నిమగ్నమవడంతో రిలీజ్ డేట్ డిసెంబర్ 14కు వెళ్లిందని సమాచారం. అదేవిధంగా బిజినెస్ పరంగా చూసినా.. ప్రీ రిలీజ్ టార్గెట్ ఇంకా పూర్తి కాలేదని టాక్ నడుస్తోంది. సలార్ వాయిదాతో కొన్ని పెద్ద సినిమాల విడుదల తేదీలు కూడా మారాయి. మాస్ మహారాజ రవితేజ హీరోగా నటించిన 'టైగర్ నాగేశ్వరరావు' అనూహ్యంగా ముందుకొచ్చింది. అక్టోబర్ 20న రావాల్సిన ఆ సినిమా ఇప్పుడు సలార్ డేట్ షిఫ్ట్ అయి సెప్టెంబర్ 28న విడుదల అవుతోంది.
ఇవి కూడా చదవండి : రజనీకి ఖరీదైన కారు గిఫ్ట్ ఇచ్చిన ఆ నిర్మాత..
