‘ఊరు ఉండదు.. నీ ఉనికి ఉండదు’.. గూస్ బమ్స్ తెప్పిస్తున్న రవితేజ ‘ఈగల్’ టీజర్

దిశ, వెబ్‌డెస్క్: మాస్ మహారాజ రవితేజ, యంగ్ హీరోయిన్ అనుపమ కాంబినేషన్‌లో వస్తున్న తాజా సినిమా ‘ఈగల్’. యువ దర్శకుడు కార్తీక్ ఘట్టమనేని తెరకెక్కిస్తున్న ఈ మూవీ భారీ యాక్షన్ ఎలిమెంట్స్‌తో రాబోతుంది. గతంలో ఈ చిత్రం అనౌన్స్ చేస్తూ రిలీజ్ చేసిన ఒక వీడియో సినిమాపై అంచనాలు పెంచగా.. తాజాగా ఈ మూవీ నుంచి టీజర్ రిలీజ్ చేశారు మేకర్స్. ‘కొండలో లావాన్ని కిందికి పిలవకు.. ఊరు ఉండదు. నీ ఉనికి ఉండదు’ అనే డైలాగ్‌తో స్టార్ట్ అయిన టీజర్‌ చూస్తే.. సస్పెన్స్ థ్రిల్లర్ మూవీగా అర్థం అవుతుంది. 1:34 నిమిషాల టీజర్‌లో రవితేజ యాక్షన్, బ్యాక్ గ్రౌండ్ మ్యూజిక్ సినిమాపై అంచనాలు భారీగా పెంచేస్తున్నాయి. కాగా.. ఈ సినిమా సంక్రాంతి బరిలో జనవరి 13న ప్రేక్షకుల ముందుకు రాబోతుంది.